Қазақстан Республикасы Үкіметінің «Мемлекеттік экологиялық ақпарат қорын жүргізу қағидаларын бекіту туралы» 2016 жылғы 13 қазандағы № 589 және «Қоршаған ортаның жай-күйі және Қазақстан Республикасының табиғи ресурстарын пайдалану туралы ұлттық баяндаманы жасау үшін орталық мемлекеттік органдар мен жергілікті атқарушы органдардың ақпарат ұсыну қағидаларын бекіту туралы» 2017 жылғы 24 қаңтардағы № 13 қаулыларына өзгерістер мен толықтырулар енгізу туралы
Қазақстан Республикасы Үкіметінің 2020 жылғы 2 қазандағы № 638 Қаулысы
ҚР Үкіметінің 2022 жылғы 21 шілдедегi № 512 Қаулысымен күші жойылды
Қазақстан Республикасының Үкiметi ҚАУЛЫ ЕТЕДІ:
1. Қазақстан Республикасы Үкiметiнiң кейбiр шешiмдерiне мынадай өзгерiстер пен толықтырулар енгiзiлсiн:
1) «Мемлекеттік экологиялық ақпарат қорын жүргізу қағидаларын бекіту туралы» Қазақстан Республикасы Үкіметінің 2016 жылғы 13 қазандағы № 589 қаулысында (Қазақстан Республикасының ПҮАЖ-ы, 2016 ж., № 50, 320-құжат):
көрсетілген қаулымен бекітілген Мемлекеттік экологиялық ақпарат қорын жүргізу қағидаларында:
7-тармақта:
7) тармақша мынадай редакцияда жазылсын:
«7) жер қойнауын зерттеу жөніндегі уәкілетті орган;»;
мынадай мазмұндағы 7-1), 7-2), 8-1) және 8-2) тармақшалармен толықтырылсын:
«7-1) көмірсутектер саласындағы уәкілетті орган;
7-2) уран өндіру саласындағы уәкілетті орган;»;
«8-1) электр энергетикасы саласындағы уәкілетті орган;
8-2) жаңартылатын энергия көздерін дамыту саласындағы уәкілетті орган;»;
16) тармақша мынадай редакцияда жазылсын:
«16) облыстардың, республикалық маңызы бар қалалардың және астананың жергілікті атқарушы органдары ұсынады.»;
11-тармақ мынадай редакцияда жазылсын:
«11. МЭАҚ-та материалдар мен құжаттар осы Қағидалардың 14-тармағына сәйкес бағыттар бойынша топтастырылады.»;
