«Ақмола облысы бойынша жерлеудің және зираттарды күтіп ұстау ісін ұйымдастырудың қағидаларын бекіту туралы» Ақмола облыстық мәслихатының 2019 жылғы 25 қазандағы № 6С-38-4 шешіміне өзгерістер енгізу туралы
Ақмола облыстық мәслихатының 2023 жылғы 11 сәуірдегі № 8С-2-3 шешімі
Ақмола облыстық мәслихатының 2024 жылғы 25 қыркүйектегі № 8С-13-10 шешімімен күші жойылды
Ақмола облыстық мәслихаты ШЕШТІ:
1. «Ақмола облысы бойынша жерлеудің және зираттарды күтіп ұстау ісін ұйымдастырудың қағидаларын бекіту туралы» Ақмола облыстық мәслихатының 2019 жылғы 25 қазандағы № 6С-38-4 шешіміне (Нормативтік құқықтық актілерді мемлекеттік тіркеу тізілімінде № 7441 болып тіркелген) келесі өзгерістер енгізілсін:
көрсетілген шешіммен бекітілген Ақмола облысы бойынша жерлеудің және зираттарды күтіп ұстау ісін ұйымдастырудың қағидаларында:
1 және 2-тармақтар мынадай редакцияда жазылсын:
«1. Осы Ақмола облысы бойынша жерлеудің және зираттарды күтіп ұстау ісін ұйымдастырудың қағидалары (бұдан әрі - Қағидалар) «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабы 2-8-тармағына, «Жерлеудің және зираттарды күтіп ұстау ісін ұйымдастырудың үлгілік қағидаларын бекіту туралы» Қазақстан Республикасы Ұлттық экономика министрінің 2019 жылғы 31 мамырдағы № 48 бұйрығына (Нормативтік құқықтық актілерді мемлекеттік тіркеу тізілімінде № 18771 болып тіркелген) сәйкес әзірленді және жерлеудің және зираттарды күтіп-ұстау ісін ұйымдастырудың тәртібін айқындайды.
