«Медициналық қызметтерді көрсету, дәрілік заттар мен медициналық бұйымдар айналысының сапасы салаларындағы тәуекел дәрежесін бағалау өлшемшарттарын және тексеру парақтарын бекіту туралы» Қазақстан Республикасы Денсаулық сақтау министрінің 2018 жылғы 15 қарашадағы № ҚР ДСМ - 32 және Қазақстан Республикасы Ұлттық экономика министрінің 2018 жылғы 15 қарашадағы № 70 бірлескен бұйрығына өзгерістер мен толықтырулар енгізу туралы
Қазақстан Республикасы Денсаулық сақтау министрінің 2023 жылғы 29 мамырдағы № 90 және Қазақстан Республикасы Ұлттық экономика министрінің 2023 жылғы 29 мамырдағы № 91 бірлескен бұйрығы
БҰЙЫРАМЫН:
1. «Медициналық қызметтерді көрсету, дәрілік заттар мен медициналық бұйымдар айналысының сапасы салаларындағы тәуекел дәрежесін бағалау өлшемшарттарын және тексеру парақтарын бекіту туралы» Қазақстан Республикасы Денсаулық сақтау министрінің 2018 жылғы 15 қарашадағы № ҚР ДСМ-32 және Қазақстан Республикасы Ұлттық экономика министрінің 2018 жылғы 15 қарашадағы № 70 бірлескен бұйрығына (Нормативтік құқықтық актілерді тіркеу мемлекеттік тізілімінде № 17744 тіркелген) мынадай өзгерістер мен толықтырулар енгізілсін:
1-тармақта:
1), 2), 3), 4), 5), 6), 7), 8), 9), 10), 11), 12), 13), 14), 22) және 23) тармақшалар мынадай редакцияда жазылсын:
1) осы бірлескен бұйрыққа 1-қосымшаға сәйкес медициналық қызметтер (көмек) көрсету саласындағы тәуекел дәрежесін бағалау өлшемшарттары;
2) осы бірлескен бұйрыққа 2-қосымшаға сәйкес стационарлық, стационарды алмастыратын көмек көрсететін субъектілерге (объектілерге) қатысты медициналық қызметтер көрсету сапасын мемлекеттік бақылау саласындағы тексеру парағы;
3) осы бірлескен бұйрыққа 3-қосымшаға сәйкес амбулаториялық-емханалық көмек (медициналық-санитариялық алғашқы көмек және консультациялық-диагностикалық көмек) көрсететін субъектілерге (объектілерге) қатысты медициналық қызметтер көрсету сапасын мемлекеттік бақылау саласындағы тексеру парағы;
