Қазақстан Республикасы
Инвестициялар және даму
министрінің
2015 жылғы 21 сәуірдегі
№ 476 бұйрығына 2-қосымша
ҚР Цифрлық даму, инновациялар және аэроғарыш өнеркәсібі министрінің 2020.01.06. № 224/НҚ бұйрығымен күші жойылды
«Куәландыру орталықтарын аккредиттеу»
мемлекеттiк көрсетілетін қызмет стандарты
«Куәландыру орталықтарын аккредиттеу» мемлекеттік көрсетілетін қызмет регламентін қараңыз
1. Жалпы ережелер
1. «Куәландыру орталықтарын аккредиттеу» мемлекеттiк көрсетілетін қызмет (бұдан әрі - мемлекеттік көрсетілетін қызмет).
2. Мемлекеттік көрсетілетін қызмет стандартын Қазақстан Республикасы Инвестициялар және даму министрлігі (бұдан әрі - Министрлік) әзірледі.
3. Мемлекеттік қызметті Министрліктің Байланыс, ақпараттандыру және ақпарат комитеті (бұдан әрі - көрсетілетін қызметті беруші) көрсетеді.
Өтініштерді қабылдау және мемлекеттік қызметті көрсету нәтижелерін беру:
көрсетілетін қызметті берушінің кеңсесі;
1) «электрондық үкіметтің» www.egov.kz веб-порталы (бұдан әрі - портал) арқылы жүзеге асырылады.
2. Мемлекеттік қызметті көрсету тәртібі
4. Мемлекеттік қызметті көрсету мерзімі:
1) көрсетілетін қызметті берушіге құжаттар топтамасын тапсырған сәттен бастап; сондай-ақ порталға жүгінген кезде:
куәландырушы орталықты аккредиттеу туралы куәлікті беру күнтiзбелiк 30 (отыз) күннің ішінде жүзеге асырылады;
комиссия тексеріп қарау жүргізу үшін куәландырушы орталыққа қайта барған жағдайда, өтінішті қарау мерзімі күнтiзбелiк 30 (отыз) күнге ұзартылуы мүмкін, бұл туралы көрсетілетін қызметті алушыға қарау мерзімі ұзартылған сәттен бастап үш жұмыс күні ішінде хабарланады. Көрсетілетін қызметті беруші мерзімді ұзарту себептерін көрсете отырып, көрсетілетін қызметті алушыға дәлелді хат жібереді;
2) құжаттар топтамасын тапсыру үшін кезек күтудің рұқсат берілетін ең ұзақ уақыты - 20 (жиырма) минут;
3) көрсетілетін қызметті алушыға қызмет көрсетудің рұқсат берілетін ең ұзақ уақыты - 20 (жиырма) минут.
