«Салықтық және кедендік әкімшілендірудің кейбір мәселелері туралы» Қазақстан Республикасы Қаржы министрінің 2008 жылғы 30 желтоқсандағы № 637 бұйрығына өзгерістер мен толықтыру енгізу туралы
Қазақстан Республикасы Қаржы министрінің 2016 жылғы 5 желтоқсандағы № 633 бұйрығы
ҚР Қаржы министрінің 2018 жылғы 8 ақпандағы № 146 бұйрығымен күші жойылды
БҰЙЫРАМЫН:
1. «Салықтық және кедендік әкімшілендірудің кейбір мәселелері туралы» Қазақстан Республикасы Қаржы министрінің 2008 жылғы 30 желтоқсандағы № 637 бұйрығына (Нормативтік құқықтық актілерді мемлекеттік тіркеу тізілімінде № 5463 болып тіркелген, 2009 жылғы 20 ақпанда № 27 (1624)) «Заң газеті» газетінде жарияланған) мынадай өзгерістер мен толықтыру енгізсін:
1-тармақ мынадай редакцияда жазылсын:
«1. Бекітілсін:
1) мемлекеттік кірістер органдарымен есептелген салықтардың сомасы туралы хабарлама нысаны, осы бұйрыққа 1-қосымшаға сәйкес нысан бойынша;
2) тексеру нәтижелері туралы хабарлама нысаны, осы бұйрыққа 2-қосымшаға сәйкес нысан бойынша;
3) тарату салық есептілігін табыс еткен күннен бастап тарату салықтық тексеру аяқталған күнге дейінгі кезең үшін салықтардың және бюджетке төленетін басқа да міндетті төлемдердің, міндетті зейнетақы жарналарының, міндетті кәсіптік зейнетақы жарналарының, әлеуметтік аударымдардың есептелген сомалары туралы хабарлама нысаны, осы бұйрыққа 3-қосымшаға сәйкес нысан бойынша;
4) Қазақстан Республикасының салық заңнамасында белгіленген мерзімде салық есептілігінің табыс етілмеуі туралы хабарлама нысаны, осы бұйрыққа 4-қосымшаға сәйкес нысан бойынша;
5) салық берешегін өтеу туралы хабарлама нысаны, осы бұйрыққа 5-қосымшаға сәйкес нысан бойынша;
6) дебиторлардың банк шоттарындағы ақшадан өндiрiп алу туралы хабарлама нысаны, осы бұйрыққа 6-қосымшаға сәйкес нысан бойынша;
7) камералдық бақылау нәтижелері бойынша мемлекеттік кірістер органдарымен анықталған бұзушылықтарды жою туралы хабарлама нысаны, осы бұйрыққа 7-қосымшаға сәйкес нысан бойынша;
