«Табиғи монополиялар субъектілерінің қызметін жүзеге асыру қағидаларын бекіту туралы» Қазақстан Республикасы Ұлттық экономика министрінің 2019 жылғы 13 тамыздағы № 73 бұйрығына өзгерістер енгізу туралы
Қазақстан Республикасы Премьер-Министрінің орынбасары - Ұлттық экономика министрінің 2025 жылғы 20 маусымдағы № 54 бұйрығы
БҰЙЫРАМЫН:
1. «Табиғи монополиялар субъектілерінің қызметін жүзеге асыру қағидаларын бекіту туралы» Қазақстан Республикасы Ұлттық экономика министрінің 2019 жылғы 13 тамыздағы № 73 бұйрығына (Нормативтік құқықтық актілерді мемлекеттік тіркеу тізілімінде № 19242 болып тіркелген) мынадай өзгерістер енгізілсін:
көрсетілген бұйрықпен бекітілген Табиғи монополиялар субъектілерінің қызметін жүзеге асыру қағидаларында:
16-тармақтың үшінші бөлігі мынадай редакцияда жазылсын:
«Тариф индекстеу әдісімен белгіленген кезде және жасалған мемлекеттік-жекешелік әріптестік шарты негізінде тариф айқындалған кезде табиғи монополия субъектісі өзінің интернет-ресурсында не тиісті әкімшілік-аумақтық бірліктің аумағында таратылатын мерзімді баспасөз басылымдарында жария тыңдаулардың өткізілетін күні мен жері туралы ақпаратты олар өткізілгенге дейін күнтізбелік отыз күн бұрын орналастырады.»;
6-тараудың 8-параграфының тақырыбы мынадай редакцияда жазылсын:
«8- параграф. Бәсекелес теміржол болмаған кезде мемлекеттік-жекешелік әріптестік шарттары бойынша теміржол көлігінің объектілері бар теміржолдардың реттеліп көрсетілетін қызметтеріне қол жеткізудің тең жағдайларын қамтамасыз ету»;
240, 241 және 242- тармақтар мынадай редакцияда жазылсын:
«240. Магистральдық теміржол желісін пайдалану қағидаларына және өзге де нормативтік құқықтық актілерге сәйкес тараптардың негізгі талаптары, құқықтары мен міндеттері айқындалатын ұлттық инфрақұрылым операторы мен тасымалдаушы (тасымалдаушылар) арасында жасалған магистральдық желіні пайдалану шарты тасымалдаушылардың бәсекелес теміржол болмаған кезде мемлекеттік-жекешелік әріптестік шарттары бойынша теміржол көлігінің объектілері бар темір жолдарға қол жеткізуі үшін негіз болып табылады.
