Қазақстан Республикасының
Мемлекеттік қызмет істері және
сыбайлас жемқорлыққа қарсы
іс-қимыл агенттігі төрағасының
2017 жылғы 21 ақпандағы
№ 40 бұйрығына 2-қосымша
2023 ж. 31 желтоқсанға дейін қолданылды
Мемлекеттік әкімшілік қызметшілерді, мемлекеттік әкімшілік лауазымдарға
орналасуға үміткерлерді тестiлеуді ұйымдастыру, бағдарламалары мен
қағидалары
(2024.01.02. берілген өзгерістер мен толықтырулармен)
1-тарау. Жалпы ережелер
ҚР Мемлекеттік қызмет істері агенттігі Төрағасының 2020.19.05. № 81 бұйрығымен (бұр.ред.қара); 2023.11.02. № 37 бұйрығымен (2023 ж. 20 ақпаннан бастап қолданысқа енгізілді) (бұр.ред.қара); 2024.31.01. № 26 бұйрығымен (2024 ж. 1 ақпаннан бастап қолданысқа енгізілді) (бұр.ред.қара) 1-тармақ жаңа редакцияда
1. Осы Мемлекеттік қызметшілерді және мемлекеттік әкімшілік лауазымдарға орналасуға үміткерлерді тестiлеу ұйымдастыру, бағдарламалары мен қағидалары (бұдан әрі - Қағидалар) «Мемлекеттік көрсетілетін қызметтер туралы» Қазақстан Республикасы Заңының 10-бабы 1) тармақшасына, «Қазақстан Республикасының мемлекеттік қызметі туралы» Қазақстан Республикасы Заңының (бұдан әрі - Заң) 5-бабының 2-тармағының 5) тармақшасына және 28-бабының 3 және 4-тармақтарына және мемлекеттік әкiмшiлiк қызметшілерді және мемлекеттік әкiмшiлiк лауазымдарға орналасуға үміткерлерді және құқық қорғау қызметіне кіретін азаматтарды тестілеу тәртібін, бағдарламаларын, тестілеуді ұйымдастыру тәртібін, сондай-ақ тестілеу нәтижелеріне шағым жасау тәртібін айқындайды.
ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2018.27.12. № 289 бұйрығымен (2019 ж. 1 қаңтардан бастап қолданысқа енгізілді) (бұр.ред.қара); ҚР Мемлекеттік қызмет істері агенттігі Төрағасының 2024.31.01. № 26 бұйрығымен (2024 ж. 1 ақпаннан бастап қолданысқа енгізілді) (бұр.ред.қара) 2-тармақ жаңа редакцияда
