«Құрылыс статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы» Қазақстан Республикасы Ұлттық экономика министрлігінің Статистика комитеті төрағасының 2014 жылғы 27 қазандағы № 26 бұйрығына өзгерістер енгізу туралы
Қазақстан Республикасы Ұлттық экономика министрлігі Статистика комитеті төрағасының 2015 жылғы 16 қыркүйектегі № 141 бұйрығы
«Мемлекеттік статистика туралы» Қазақстан Республикасының 2010 жылғы 19 наурыздағы Заңының 12-бабының 3) және 8) тармақшаларына, сондай-ақ Қазақстан Республикасы Ұлттық экономика министрінің 2014 жылғы 30 қыркүйектегі № 33 бұйрығымен бекітілген (Нормативтік құқықтық актілерді мемлекеттік тіркеу тізілімінде № 9779 болып тіркелген) Қазақстан Республикасы Ұлттық экономика министрлігінің Статистика комитеті туралы ереженің 13-тармағы 9) тармақшасына сәйкес, БҰЙЫРАМЫН:
1. «Құрылыс статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы» Қазақстан Республикасы Ұлттық экономика министрлігінің Статистика комитеті төрағасының 2014 жылғы 27 қазандағы № 26 бұйрығына (Нормативтік құқықтық актілерді мемлекеттік тіркеу тізілімінде № 9916 болып тіркелген, 2015 жылғы 2 ақпанда «Әділет» ақпараттық-құқықтық жүйесінде және 2015 жылғы 1 тамыздағы № 145 (28623) «Егемен Қазақстан» газетінде жарияланған) мынандай өзгерістер енгізілсін:
бұйрыққа өзгеріс орыс тіліндегі мәтінге енгізіледі, қазақ тіліндегі мәтін өзгеріссіз қалады;
1-тармақтың 13), 14) тармақшалары мынадай редакцияда жазылсын:
«13) «Құрылыс-монтаж жұмыстарын жүргізе бастағанына хабарлама туралы сауалнама» (коды 0462102, индексі Ғ-001, кезеңділігі жартыжылдық) жалпымемлекеттік статистикалық байқаудың статистикалық нысаны осы бұйрықтың 9-қосымшасына сәйкес;
