«Арнайы экономикалық аймақтар аумағында жүзеге асырылатын қызметтің басым түрлерінің тізбесін және Арнайы экономикалық аймақтар бөлінісінде қызметтің басым түрлерінің тізбесін жүргізу қағидаларын бекіту туралы» Қазақстан Республикасы Өнеркәсіп және құрылыс министрінің 2024 жылғы 22 ақпандағы № 72 бұйрығына өзгерістер енгізу туралы
Қазақстан Республикасы Өнеркәсіп және құрылыс министрінің 2025 жылғы 29 тамыздағы № 332 бұйрығы
БҰЙЫРАМЫН:
1. «Арнайы экономикалық аймақтар аумағында жүзеге асырылатын қызметтің басым түрлерінің тізбесін және Арнайы экономикалық аймақтар бөлінісінде қызметтің басым түрлерінің тізбесін жүргізу қағидаларын бекіту туралы» Қазақстан Республикасы Өнеркәсіп және құрылыс министрінің 2024 жылғы 22 ақпандағы № 72 бұйрығына (нормативтік құқықтық актілерді мемлекеттік тіркеу тізілімінде № 34030 болып тіркелді):
Көрсетілген бұйрықпен бекітілген арнайы экономикалық аймақтар бөлінісінде қызметтің басым түрлерінің тізбесінде:
2-қосымшаның 1-тармағы мынадай редакцияда жазылсын:
«1. «Астана-жаңа қала» арнайы экономикалық аймағы:
1) өзге де металл емес минералды өнімдер өндірісі (портландцементтен, глинозем цементінен, қож цементінен, суперсульфат цементінен, сульфатқа төзімді цементтен, тампонаж цементінен және боялмаған немесе боялған, дайын немесе клинкер түріндегі ұқсас гидравликалық цементтерден басқа);
2) машиналар мен жабдықтар өндірісі;
3) тұрмыстық электр аспаптарын өндіру;
4) резеңке және пластмасса бұйымдарын өндіру;
5) химия өнеркәсібі өнімдерін өндіру;
6) металлургия өнеркәсібі;
7) электр жабдықтарын, оның ішінде электр жарықтандыру жабдықтарын өндіру;
8) жарықтандыру аспаптарына арналған шыны компоненттерін өндіру;
9) тамақ өнімдерін өндіру;
10) ағаш массасы мен целлюлоза, қағаз және картон өндіру;
11) жиһаз өндірісі;
12) автокөлік құралдарын, трейлерлерді және жартылай тіркемелерді өндіру;
13) теміржол локомотивтері мен жылжымалы құрам өндірісі;
14) әуе және ғарыштық ұшу аппараттарын өндіру;
15) негізгі фармацевтикалық өнімдер мен препараттар өндірісі;
