«Спорттық атақтарды, разрядтарды және біліктілік санаттарын беру нормалары мен талаптарын бекіту туралы» Қазақстан Республикасы Мәдениет және спорт министрі міндетін атқарушының 2014 жылғы 28 қазандағы № 56 бұйрығына өзгерістер мен толықтырулар енгізу туралы
Қазақстан Республикасы Туризм және спорт министрінің 2026 жылғы 11 наурыздағы № 41 бұйрығы
БҰЙЫРАМЫН:
1. «Спорттық атақтарды, разрядтарды және біліктілік санаттарын беру нормалары мен талаптарын бекіту туралы» Қазақстан Республикасы Мәдениет және спорт министрі міндетін атқарушының 2014 жылғы 28 қазандағы № 56 бұйрығына (Нормативтік құқықтық актілерді мемлекеттік тіркеу тізілімінде № 9902 болып тіркелген) мынадай өзгерістер мен толықтырулар енгізілсін:
көрсетілген бұйрықпен бекітілген Спорттық атақтарды, разрядтарды және біліктілік санаттарын беру нормалары мен талаптарында:
3-тармақ мынадай редакцияда жазылсын:
«3. Дене шынықтыру және спорт саласындағы уәкілетті орган (бұдан әрі - уәкілетті орган), жергілікті атқарушы органдар, қаладағы аудан, аудандық маңызы бар қала, ауылдық округ, кент және ауыл әкімдері Спорттық атақтар, разрядтар және біліктілік санаттарын Тізілімге кіретін спорт түрі бойынша талаптар және (немесе) нормалар бір рет орындалған жағдайда береді.
Уәкілетті орган және жергілікті атқарушы органдар, қаладағы аудан, аудандық маңызы бар қала, ауылдық округ, кент және ауыл әкімдері әскери-қолданбалы және қызметтік-қолданбалы, техникалық және басқа да спорт түрлерін дамытуға басшылықты жүзеге асыратын Қазақстан Республикасының Қорғаныс министрлігі, Қазақстан Республикасының құқық қорғау және арнаулы мемлекеттік органдарының өкілдері үшін Спорттық атақтар, разрядтар және біліктілік санаттарын Қазақстан Республикасы Туризм және спорт министрінің 2025 жылғы 30 маусымдағы № 112 бұйрығымен бекітілген Әскери-қолданбалы және қызметтік-қолданбалы, техникалық және басқа да спорт түрлерінің тізбесіне сәйкес спорт түрі бойынша талаптар және (немесе) нормаларды бір рет орындаған жағдайда береді.»;
9 тармақта:
9) тармақшаның орыс тіліндегі мәтініне өзгеріс енгізіледі, мемлекеттік тілдегі мәтін өзгермейді;
