Қазақстан Республикасы
Қаржы министрінің
2015 жылғы 24 сәуірдегі
№ 280 бұйрығына
1-қосымша
ҚР Премьер-Министрінің Бірінші орынбасары - ҚР Қаржы министрінің 2020 жылғы 9 сәуірдегі № 370 бұйрығымен күші жойылды
«Кәсіби аудиторлық ұйымды аккредиттеу туралы куәлік беру»
мемлекеттік көрсетілетін қызмет стандарты
(2019.06.09. берілген өзгерістермен)
1. Жалпы ережелер
1. «Кәсіби аудиторлық ұйымды аккредиттеу туралы куәлік беру» мемлекеттік көрсетілетін қызмет (бұдан әрі - мемлекеттік көрсетілетін қызмет).
2. Мемлекеттік көрсетілетін қызмет стандартын Қазақстан Республикасы Қаржы министрлігі (бұдан әрі - Министрлік) әзірледі.
ҚР Қаржы министрінің 2017.02.06. № 364 бұйрығымен 3-тармақ жаңа редакцияда (бұр.ред.қара)
3. Мемлекеттік көрсетілетін қызметті Министрліктің Ішкі мемлекеттік аудит комитеті (бұдан әрі - көрсетілетін қызметті беруші) көрсетеді.
Өтінішті қабылдау және мемлекеттік қызметті көрсету нәтижесін беру www.egov.kz, www.elicense.kz «электрондық үкімет» веб-порталы (бұдан әрі - портал) арқылы жүзеге асырылады.
2. Мемлекеттік қызмет көрсету тәртібі
ҚР Қаржы министрінің 2017.02.06. № 364 бұйрығымен 4-тармақ өзгертілді (бұр.ред.қара); ҚР Премьер-Министрінің Бірінші орынбасары - ҚР Қаржы министрінің 2019.06.09. № 970 бұйрығымен 4-тармақ жаңа редакцияда (бұр.ред.қара)
4. Мемлекеттік қызмет көрсету мерзімі:
куәлікті беру - 4 (төрт) жұмыс күні;
куәлікті қайта ресімдеу - 3 (үш) жұмыс күні;
куәліктің телнұсқасын беру - 2 (екі) жұмыс күні.
Көрсетілетін қызметті беруші қызмет алушының құжаттарын алған сәттен бастап екі жұмыс күні ішінде ұсынылған құжаттардың толықтығын тексереді.
Ұсынылған құжаттардың толық болмауы және (немесе) қолданылу мерзімі өткен құжаттар болуы фактісі анықталған жағдайда көрсетілген мерзімде өтінішті одан әрі қараудан жазбаша дәлелді бас тарту беріледі.
5. Мемлекеттік қызметті көрсету нысаны - электрондық (толық автоматтандырылған).
ҚР Қаржы министрінің 2017.02.06. № 364 бұйрығымен 6-тармақ өзгертілді (бұр.ред.қара)
