Осы редакция 2015 жылғы 26 маусымда енгізілген өзгерістеріне дейін қолданылды
ҚР Денсаулық сақтау және әлеуметтік даму министрінің 2015.14.01. № 10 бұйрығымен ереже жаңа редакцияда (бұр.ред.қара)
Қазақстан Республикасы
Денсаулық сақтау министрінің
2009 жылғы 18 қарашадағы
№ 736 бұйрығына
2-қосымша
Медициналық мақсаттағы бұйымдар мен медициналық техникаға сараптама жүргізу
қағидалары
(2015.14.01. берілген өзгерістер мен толықтырулармен)
1. Жалпы ережелер
1. Осы медициналық мақсаттағы бұйымдар мен медициналық техникаға сараптама жүргізу қағидалары (бұдан әрі - Қағидалар) медициналық мақсаттағы бұйымдар мен медициналық техниканы мемлекеттік тіркеу, қайта тіркеу, тіркеу деректеріне өзгерістер енгізу кезінде оларды сараптау тәртібін белгілейді.
2. Медициналық мақсаттағы бұйымдар мен медициналық техника сараптамасы мемлекеттік монополияға жатады, дәрілік заттар, медициналық мақсаттағы бұйымдар мен медициналық техника айналысы саласындағы мемлекеттік кәсіпорын болып табылатын шаруашылық жүргізу құқығындағы республикалық мемлекеттік кәсіпорын (бұдан әрі - мемлекеттік сараптама ұйымы) жүзеге асырады және мемлекеттік сараптама ұйымының «Медициналық мақсаттағы бұйымдар мен медициналық техниканы сараптау» бағдарламасында Денсаулық сақтаудың бірыңғай ақпараттық жүйесі Дәрі-дәрмекпен қамтамасыз етуді басқару жүйесінің (бұдан әрі - ДҚБЖ) бірыңғай дерекқорын пайдалана отырып жүргізіледі.
3. Мемлекеттік сараптама ұйымы сараптамаға өтінішті қабылдағаннан кейін және тіркегеннен кейін бір жұмыс күні ішінде www.dari.kz интернет-ресурсына («Сараптау жұмыстары туралы деректер» бөліміне) өтініштің түскені туралы ақпаратты орналастырады және Мемлекеттік сараптама ұйымының бағдарламасынан осы ақпаратты ДҚБЖ жүйесіне жібереді.
4. Мемлекеттік тіркеу, қайта тіркеу және тіркеу деректеріне өзгерістер енгізу үшін сараптамаға берілген медициналық мақсаттағы бұйым мен медициналық техника туралы ақпарат, сондай-ақ сараптаудың барлық кезеңдері құпия ақпаратқа жатады.
