«Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларын бекіту туралы» Қазақстан Республикасы Ауыл шаруашылығы министрінің 2019 жылғы 15 наурыздағы № 108 бұйрығына өзгерістер енгізу туралы
Қазақстан Республикасы Ауыл шаруашылығы министрінің 2019 жылғы 6 маусымдағы № 228 бұйрығы
БҰЙЫРАМЫН:
1. «Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларын бекіту туралы» Қазақстан Республикасы Ауыл шаруашылығы министрінің 2019 жылғы 15 наурыздағы № 108 бұйрығына (Нормативтік құқықтық актілерді мемлекеттік тіркеу тізілімінде № 18404 болып тіркелген, 2019 жылғы 28 наурызда Қазақстан Республикасы Нормативтік құқықтық актілерінің эталондық бақылау банкінде жарияланған) мынадай өзгерістер енгізілсін:
көрсетілген бұйрықпен бекітілген Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларында:
2-тармақ мынадай редакцияда жазылсын:
«2. Осы Қағидаларда мынадай негізгі ұғымдар пайдаланылады:
1) арнайы комиссия - облыстар, Нұр-Сұлтан, Алматы және Шымкент қалалары деңгейінде құрылатын, «Атамекен» Ұлттық кәсіпкерлер палатасының (бұдан әрі - «Атамекен» ҰКП) өңірлік кәсіпкерлер палатасының, қоғамдық салалық одақтардың/қауымдастықтардың/республикалық палаталардың өкілдерінен және облыстардың, республикалық маңызы бар қалалардың жергілікті атқарушы органының ауыл шаруашылығы басқармасы (бұдан әрі - Басқарма) мамандарынан қалыптастырылатын және тауар өндірушілерде тиісті инфрақұрылымның бары бойынша салыстырып тексеруді жүзеге асыратын комиссия;
2) арнайы шот - субсидиялар сомалары аударылатын қаржы институтының екінші деңгейлі банктегі шоты;
3) бордақылау алаңы - сыйымдылығы бір уақытта кемінде 1000 бас мамандандырылған алаңы бар және одан әрі бордақылау үшін бұқашықтар сатып алуды жүзеге асыратын агроөнеркәсіптік кешен субъектісі;
