Батыс Қазақстан облыстық мәслихатының 2020 жылғы 30 қыркүйектегі № 38-3 «Батыс Қазақстан облысы азаматтарының жекелеген санаттарына амбулаториялық емдеу кезінде тегін медициналық көмектің кепілдік берілген көлемін, оның ішінде дәрілік заттарды, арнайы емдік өнімдерді, медициналық бұйымдарды қосымша тегін беру туралы» шешіміне өзгерістер мен толықтырулар енгізу туралы
Батыс Қазақстан облыстық мәслихатының 2025 жылғы 16 маусымдағы № 18-6 шешімі
Батыс Қазақстан облыстық мәслихаты ШЕШІМ ҚАБЫЛДАДЫ:
1. Батыс Қазақстан облыстық мәслихатының 2020 жылғы 30 қыркүйектегі № 38-3 «Батыс Қазақстан облысы азаматтарының жекелеген санаттарына амбулаториялық емдеу кезінде тегін медициналық көмектің кепілдік берілген көлемін, оның ішінде дәрілік заттарды, арнайы емдік өнімдерді, медициналық бұйымдарды қосымша тегін беру туралы» (Нормативтік құқықтық актілерді мемлекеттік тіркеу тізілімінде № 6407 болып тіркелген) шешіміне келесі өзгерістер мен толықтырулар енгізілсін:
көрсетілген шешімнің 1-қосымшасында:
1-бөлімде:
екінші, бесінші, жиырма бірінші, жиырма екінші, отыз бірінші, отыз үшінші, отыз бесінші жолдар келесі редакцияда жазылсын:
| 2 | Ювенильдық артрит | Диспансерлік есепте тұрған балалар | Ауырлықтың барлық сатысы мен дәрежесі | Тоцилизумаб инфузиялық ерітінді дайындауға арналған концентрат, тері астына енгізуге арналған ерітінді; Адалимумаб, инъекцияға арналған ерітінді, тері астына енгізуге арналған ерітінді; Анакинра, шприцте алдын ала толтырылған инъекцияға арналған ерітінді; Канакинумаб, бұлшықет ішіне және тері астына енгізу үшін ерітінді дайындауға арналған лиофилизат, тері астына енгізу үшін ерітінді. Тофацитиниб үлбірлі қабықпен қапталған таблеткалар Инфликсимаб инфузия үшін ерітінді дайындауға арналған лиофилизат |
| 5 | Ювенильдық дерматомиазит | Диспансерлік есепте тұрған балалар | Ауырлықтың барлық сатысы мен дәрежесі | Адамның қалыпты G иммуноглобулині, инфузияға арналған ерітінді;Метотрексат, инъекцияға арналған ерітінді; Метилпреднизолон, таблеткалар, Микофенол қышқылы Босап шығуы ұзаққа созылатын, қабықпен қапталған таблеткалар |
