«Оқу-жаттығу процесі, спорттық резервті және жоғары дәрежедегі спортшыларды даярлау, допингке қарсы қызмет, ғылыми-әдістемелік, медициналық-биологиялық және фармакологиялық қамтамасыз ету жүзеге асырылатын ұйымдар және спортшыларды медициналық көмекпен қамтамасыз ететін ұйымдар үшін үлгілік штаттарды бекіту туралы» Қазақстан Республикасы Мәдениет және спорт министрінің 2017 жылғы 30 мамырдағы № 155 бұйрығына өзгерістер мен толықтырулар енгізу туралы
Қазақстан Республикасы Туризм және спорт министрінің 2025 жылғы 23 желтоқсандағы № 251 бұйрығы
БҰЙЫРАМЫН:
1. «Оқу-жаттығу процесі, спорттық резервті және жоғары дәрежедегі спортшыларды даярлау, допингке қарсы қызмет, ғылыми-әдістемелік, медициналық-биологиялық және фармакологиялық қамтамасыз ету жүзеге асырылатын ұйымдар және спортшыларды медициналық көмекпен қамтамасыз ететін ұйымдар үшін үлгілік штаттарды бекіту туралы» Қазақстан Республикасы Мәдениет және спорт министрінің 2017 жылғы 30 мамырдағы № 155 бұйрығына (Нормативтік құқықтық актілерді мемлекеттік тіркеу тізілімінде № 15301 болып тіркелді) мынадай өзгерістер мен толықтырулар енгізілсін:
1-тармақ мынадай редакцияда жазылсын:
«1. Бекітілсін:
1) осы бұйрықтың 1-қосымшасына сәйкес оқу-жаттығу процесі, спорттық резервті және жоғары дәрежедегі спортшыларды даярлау жүзеге асырылатын ұйымдары үшін үлгілік штаттары;
2) осы бұйрықтың 2-қосымшасына сәйкес допингке қарсы қызмет, ғылыми-әдістемелік, медициналық-биологиялық және фармакологиялық қамтамасыз ету жүзеге асырылатын ұйымдар және спортшыларды медициналық көмекпен қамтамасыз ететін ұйымдар үшін үлгілік штаттары.»;
көрсетілген бұйрықпен бекітілген Оқу-жаттығу процесі, спорт резервін және жоғары дәрежедегі споршыларды даярлау жүзеге асырылатын ұйымдары үшін үлгілік штаттарында:
тақырып мынадай редакцияда жазылсын:
«Оқу-жаттығу процесі, спорттық резервті және жоғары дәрежедегі спортшыларды даярлау жүзеге асырылатын ұйымдары үшін үлгілік штаттары»;
«Өз меншігінде спорттық базасы бар ұйымдарға арналған қосымша штаттық бірліктер» бөлімшесінде:
