Осы редакция 2016 жылғы 20 маусымда енгізілген өзгерістеріне дейін қолданылды
Қазақстан Республикасы
Ұлттық экономика министрінің
2015 жылғы 21 сәуірдегі
№ 347 бұйрығына
2-қосымша
«Тауарлардың жекелеген түрлерiнің Қазақстан Республикасының аумағына экспортына және (немесе) импортына рұқсат беру»
мемлекеттiк көрсетілетін қызмет стандарты
1. Жалпы ережелер
1. «Тауарлардың жекелеген түрлерiнің Қазақстан Республикасының аумағына экспортына және (немесе) импортына рұқсат беру» мемлекеттік көрсетілетін қызметі (бұдан әрі - мемлекеттік көрсетілетін қызмет).
2. Мемлекеттік көрсетілетін қызмет стандартын Қазақстан Республикасының Ұлттық экономика министрлігі әзірледі.
3. Мемлекеттік қызметті Қазақстан Республикасының Ұлттық экономика министрлігі (бұдан әрі - көрсетілетін қызметті беруші) көрсетеді.
Рұқсат жобаларын қабылдау және мемлекеттік қызметті көрсету нәтижелерін беру:
1) көрсетілетін қызметті беруші;
2) www.elicense.kz «Е-лицензиялау» веб-порталы немесе www.e.gov.kz «электрондық үкімет» веб-порталы (бұдан әрі - портал) арқылы жүзеге асырылады.
2. Мемлекеттiк қызметті көрсету тәртібі
4. Мемлекеттiк қызметті көрсету мерзімдері:
1) көрсетілетін қызметті берушіге немесе порталға жүгінген кезде:
рұқсат беру 3 (үш) жұмыс күні ішінде жүзеге асырылады;
рұқсаттың телнұсқасын беру 3 (үш) жұмыс күні ішінде жүзеге асырылады;
қажетті құжаттарды тапсыру кезінде кезек күтудің рұқсат етілген ең ұзақ уақыты - 20 (жиырма) минут;
көрсетілетін қызметті алушыға қызмет көрсетудің рұқсат етілген ең ұзақ уақыты - 20 (жиырма) минут;
5. Мемлекеттік қызметті көрсетудің нысаны: электрондық (ішінара автоматтандырылған) және (немесе) қағаз түрінде.
6. Мемлекеттік қызметті көрсету нәтижесі - жекелеген тауар түрлерін экспорттауға және (немесе) импорттауға берілетін рұқсат.
Мемлекеттік қызметті көрсету нәтижесін көрсету нысаны: электрондық, қағаз түрінде.
