Қазақстан Республикасы
Энергетика министрінің
2016 жылғы 30 желтоқсандағы
№ 580 бұйрығына
9-қосымша
Шамадан тыс қысымды энергия блоктарының қазандықтарын пайдалану үшін химиялық тазарту жөніндегі әдістемелік
нұсқаулар
(2025.16.03. берілген өзгерістермен)
1-тарау. Жалпы ережелер
ҚР Энергетика министрінің 2025.27.02. № 103-н/қ бұйрығымен 1-тармақ жаңа редакцияда (2025 ж. 16 наурыздан бастап қолданысқа енгізілді) (бұр.ред.қара)
1. Осы Шамадан тыс қысымды энергия блоктарының қазандықтарын пайдалану үшін химиялық тазарту жөніндегі әдістемелік нұсқаулар (бұдан әрі - Әдістемелік нұсқаулар) «Жылу энергетикасы туралы» Қазақстан Республикасының Заңы 5-бабының 2) тармақшасына және Қазақстан Республикасы Үкіметінің 2014 жылғы 19 қыркүйектегі № 994 қаулысымен бекітілген Қазақстан Республикасы Энергетика министрлігі туралы ереженің 15-тармағының 323) тармақшасына сәйкес әзірленген және Қазақстан Республикасы Энергетика министрлігінің жүйесіндегі мамандандырылған, жобалық, жөндейтін ұйымдардың қызметкерлеріне, 25 мега Паскаль (бұдан әрі - МПа) шамадан тыс қысымды (бұдан әрі - ШТҚ) бу стационарлық тура ағынды қазандардың пайдалану тазалауларын жобалау, дайындау және жүргізу кезінде электр станцияларының пайдалану қызметкерлеріне арналған.
Әдістемелік нұсқауларды әзірлеген кезде мамандандырылған ұйымдардың, жеке электр станциялары мен Ресей Федерациясының энергетикалық жүйелерінің ШТҚ блоктарын пайдалану тазалауларын жүргізу тәжірибесі ескерілді.
2. Осы Әдістемелік нұсқауларда мынадай негізгі ұғымдар мен анықтамалар пайдаланылады:
1) электр стансасы - құрамына құрылыс бөлігі, энергияны түрлендіруге арналған жабдықтар мен қажет қосымша жабдықтар кіретін электр және жылу энергиясын өндіру үшін арналған энергетикалық объект;
2) гидразинді-аммиакты су режимі - дәстүрлі су режимі, ол барлық ШТҚ энергетикалық блоктарында қолданылады, оны жүзеге асыру кезінде газсыздандырудан кейін суда қалатын сутегі пен көмір қышқылы сәйкесінше байланыстыратын аммиак пен гидрозинді құнарлы суға мөлшерлейді;
