Осы редакция 2016 жылғы 25 ақпанда енгізілген өзгерістеріне дейін қолданылды
Қазақстан Республикасы
Әділет министрінің м.а.
2015 жылғы 28 мамырдағы
№ 300 бұйрығына 9-қосымша
«Жылжымайтын мүлік объектілерінің техникалық паспортын беру»
мемлекеттік көрсетілетін қызмет регламенті
1. Жалпы ережелер
1. Мемлекеттік көрсетілетін қызмет Қазақстан Республикасы Әділет министрінің 2015 жылғы 28 сәуірдегі № 246 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11408 тіркелген) «Жылжымайтын мүлікке құқықтарды тіркеу және міндетті мемлекеттік тіркеуге жатпайтын жылжымалы мүлік кепілін тіркеу мәселелері бойынша мемлекеттік көрсетілетін қызметтердің стандарттарын бекіту туралы» мемлекеттік көрсетілетін қызмет стандарты (бұдан әрі - Стандарт) негізінде көрсетіледі.
2. Көрсетілетін қызмет нысаны - электрондық (ішінара автоматтандырылған).
3. Жылжымайтын мүлiк объектісіне техникалық паспорт беру мемлекеттік қызметті көрсетудің аяқталу нәтижесі болып табылады.
2. Көрсетілетін қызметті берушінің құрылымдық бөлімшелерінің (жұмыскерлерінің)
мемлекеттік қызметті көрсету барысындағы әрекеттері тәртібінің сипаттамасы
4. Мемлекеттік көрсетілетін қызмет стандартының 1-қосымшасына сәйкес техникалық паспортты беруге белгіленген нысандағы өтініш (бұдан әрі - өтініш) көрсетілетін қызметті берушінің мемлекеттік қызмет көрсету бойынша рәсімдерді (әрекеттерінің) бастауы үшін негіз болып табылады.
5. Көрсетілетін қызметті алушы көрсетілетін қызметті алу туралы өтініш орталыққа береді, содан кейін көрсетілетін қызметті берушінің қызметкері өзінің функционалдық міндеттеріне сәйкес құжаттарды есепке алу кітабы бойынша орталықтан құжаттар қабылдауды жүзеге асырады, көрсетілетін қызметті беруші орталықтан ұсынылған сұрау салулардың қаралуын жүзеге асырады, анықтаманы дайындайды, мемлекеттік көрсетілетін қызмет нәтижесін орталыққа жолдайды, орындалған құжаттарды орталыққа беру құжаттарды есепке алу кітабы бойынша жүргізіледі.
