«Автомобиль жолдарын күтіп ұстау, ағымдағы, орташа және күрделі жөндеу және жол активтерін басқару кезінде орындалатын жұмыс түрлерінің сыныптамасын бекіту туралы» Қазақстан Республикасы Көлік және коммуникация министрінің 2014 жылғы 24 қаңтардағы № 56 бұйрығына өзгеріс енгізу туралы»
Қазақстан Республикасы Көлік министрінің 2026 жылғы 18 маусымдағы № 152 бұйрығы
БҰЙЫРАМЫН:
1. «Автомобиль жолдарын күтіп ұстау, ағымдағы, орташа және күрделі жөндеу және жол активтерін басқару кезінде орындалатын жұмыс түрлерінің сыныптамасын бекіту туралы» Қазақстан Республикасы Көлік және коммуникация министрінің 2014 жылғы 24 қаңтардағы № 56 бұйрығына (Нормативтік құқықтық актілерді мемлекеттік тіркеу тізілімінде № 9176 болып тіркелген) мынадай өзгеріс енгізілсін:
көрсетілген бұйрықпен бекітілген Автомобиль жолдарын күтіп ұстау, ағымдағы, орташа және күрделі жөндеу және жол активтерін басқару кезінде орындалатын жұмыс түрлерінің сыныптамасында:
38-тармақтың 2) тармақшасы мынадай редакцияда жазылсын:
«2) жол төсемдері бойынша, оның ішінде:
Цемент-бетон жамылғысы бар автомобиль жолдары бойынша:
плиталардың шеттерінің сынуы мен үгітілуін жөндеу;
жамылғы бетінің тегістігін қалпына келтіру, шөгулерді жою, плиталардың жекелеген учаскелерін ауыстыру;
цемент-бетон жамылғыларында өтемдік жіктерді орнату;
цемент-бетон жамылғыларының үстіңгі қабатын жөндеу;
асфальт-бетон қоспаларын пайдалана отырып цемент-бетон жамылғыларын жөндеу;
қалпына келтіруге жатпайтын тозған цемент-бетон плиталарын ауыстыру, цемент-бетон жамылғыларында бойлық немесе көлденең ойықтарды кесу;
темір-бетон жамылғыларының тозған плиталарын ауыстыру, жекелеген плиталарды көтеру немесе тегістеу;
қорғаныш қабатын орнату, темір-бетон плиталарының және цемент-бетон жамылғылары сегменттерінің түйіспелерін ұзақ учаскелерде жөндеу, жекелеген учаскелерде асфальт-бетон қабатын төсеу;
беткі өңдеуді, оның ішінде құйма эмульсиялық-минералдық қоспаларды және (немесе) өзге де сертификатталған жетілдірілген қоспаларды қолдана отырып орнату;
