«Арнайы комиссияны қалыптастыру қағидаларын және Арнайы комиссия туралы ережені бекіту туралы» Қазақстан Республикасы Ұлттық экономика министрінің 2023 жылғы 10 шілдедегі № 134 бұйрығына және «Әлеуметтік кәсіпкерлік субъектілерінің тізілімін жүргізу қағидаларын бекіту туралы» Қазақстан Республикасы Ұлттық экономика министрінің міндетін атқарушының 2023 жылғы 17 шілдедегі № 140 бұйрығына өзгерістер енгізу туралы
Қазақстан Республикасы Премьер-Министрінің орынбасары - Ұлттық экономика министрінің 2026 жылғы 31 тамыздағы № 140 бұйрығы
БҰЙЫРАМЫН:
1. «Арнайы комиссияны қалыптастыру қағидаларын және Арнайы комиссия туралы ережені бекіту туралы» Қазақстан Республикасы Ұлттық экономика министрінің 2023 жылғы 10 шілдедегі № 134 бұйрығына (Нормативтік құқықтық актілерді мемлекеттік тіркеу тізілімінде № 33068 болып тіркелген) мынадай өзгерістер енгізілсін:
көрсетілген бұйрықпен бекітілген Арнайы комиссияны қалыптастыру қағидаларында:
1, 2 және 3-тармақтар мынадай редакцияда жазылсын:
«1. Осы Арнайы комиссияны қалыптастыру қағидалары (бұдан әрі - Қағидалар) Қазақстан Республикасы Үкіметінің 2014 жылғы 24 қыркүйектегі № 1011 қаулысымен бекітілген Қазақстан Республикасы Ұлттық экономика министрлігі туралы ереженің 15-тармағының 42) тармақшасына сәйкес әзірленді және астананың, облыстардың және республикалық маңызы бар қалалардың жергілікті атқарушы органдары жанынан құрылатын арнайы комиссияны қалыптастыру тәртібін айқындайды.
2. Осы Қағидаларда пайдаланылатын негізгі ұғымдар:
