Осы редакция 2016 жылғы 5 қарашада енгізілген өзгерістеріне дейін қолданылды
ҚР Ішкі істер министрінің 2014.27.10. № 738 бұйрығымен 11-3-қосымшамен толықтырылды
Қазақстан Республикасы
Ішкі істер министрінің
2014 жылғы 29 шілдедегі
№ 477 бұйрығына
11-3-қосымша
Қазақстан Республикасы Ішкі істер министрлігінің
Тергеу департаменті туралы
ереже
1. Жалпы ережелер
1. Тергеу департаменті (бұдан әрі - ТД) Қазақстан Республикасы Ішкі істер министрлігінің (бұдан әрі - ІІМ) ішкі істер органдарында қылмыстарды тергеуді, анықтауды және ашуды қамтамасыз ететін және тергеу, анықтау және әскери-тергеу бөліністерін үйлестіруді жүзеге асыратын құрылымдық бөлінісі болып табылады.
2. ТД өз қызметінде Қазақстан Республикасының Конституциясын, заңдарын, Қазақстан Республикасы Президентінің және Үкіметінің актілерін, басқа нормативтік құқықтық актілерді, сондай-ақ осы Ережені басшылыққа алады.
3. Қазақстан Республикасының Ішкі істер министрі ТД-нің құрылымын, штаттық санын Қазақстан Республикасының заңнамасында белгіленген тәртіпте бекітеді.
4. ТД:
1) Басшылықтан;
2) Аймақтық бақылау және алдын ала тергеуді ұйымдастыру басқармасынан;
3) Алдын ала тергеуді талдау жұмысы басқармасынан;
4) Анықтау жұмысын ұйымдастыру басқармасынан;
5) Бақылау-әдістемелік басқармасынан;
6) Ұйымдасқан қылмыстар туралы істерді тергеу басқармасынан;
7) Аса қауіпті қылмыстарды тергеу басқармасынан;
8) Ауыр және мүліктік қылмыстарды тергеу басқармасынан;
9) Экстремизммен және есірткі құралдарының заңсыз айналымымен байланысты қылмыстарды тергеу басқармасынан;
10) Әскери-тергеу басқармасынан тұрады.
2. ТД-нің негізгі міндеттері, функциялары мен құқықтары
5. Міндеті: ішкі істер органдарының тергеуіне жатқызылған қылмыстардың жан-жақты, толық және объективті тергелуін қамтамасыз ету мақсатында тергеу, анықтау бөліністерін және әскери-тергеу бөліністерін ұйымдастырушылық-әдістемелік басқару және аймақтық бақылау.
Функциялары:
1) тергеу, анықтау бөліністерінің және әскери-тергеу бөліністерінің қызметін үйлестіру және бақылау;
