Қазақстан Республикасы Денсаулық сақтау министрінің кейбір бұйрықтарына өзгерістер енгізу туралы
Қазақстан Республикасы Денсаулық сақтау министрінің 2025 жылғы 4 тамыздағы № 75 бұйрығы
БҰЙЫРАМЫН:
1. «Халықтың санитариялық-эпидемиологиялық саламаттылығы саласындағы мемлекеттік қызметтерді көрсетудің кейбір мәселелері туралы» Қазақстан Республикасы Денсаулық сақтау министрінің 2020 жылғы 30 желтоқсандағы №ҚР ДСМ-336/2020 бұйрығына (Нормативтік құқықтық актілерді мемлекеттік тіркеу тізілімінде № 22004 болып тіркелген) мынадай өзгерістер енгізілсін:
көрсетілген бұйрыққа 3-қосымшамен бекітілген Еуразиялық экономикалық одақтың нормативтік құқықтық актілерінде айқындалатын өнімді мемлекеттік тіркеу қағидаларында:
6, 7, 8 және 9-тармақтар мынадай редакцияда жазылсын:
«6. «Өнімді мемлекеттік тіркеу туралы куәлікті беру» мемлекеттік көрсетілетін қызметін (бұдан әрі - мемлекеттік көрсетілетін қызмет) Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті (бұдан әрі - көрсетілетін қызметті беруші) «электрондық үкімет» веб-порталы: www.egov.kz (бұдан әрі - портал) арқылы көрсетеді.
7. «Өнімді мемлекеттік тіркеу туралы куәлікті беру» мемлекеттік қызметін көрсетуге қойылатын негізгі талаптары (бұдан әрі - Тізбе) осы Қағидаларға 1-қосымшасында келтірілген.
Осы Қағидаларға 2-қосымшаға сәйкес нысан бойынша берілетін өнімді мемлекеттік тіркеу туралы куәлікті алу үшін ЕАЭО-ға мүше мемлекеттің аумағында оның заңнамасына сәйкес тіркелген заңды тұлға немесе дайындаушы немесе сатушы (импорттаушы) не уәкілетті дайындаушы тұлға (бұдан әрі - көрсетілетін қызметті алушы) болып табылатын жеке тұлға дара кәсіпкер ретінде портал арқылы Тізбенің 8-тармағына сәйкес құжаттарды жібереді.
Мемлекеттік тіркеу мақсатында орындалған өнімді зерттеу (сынау) және өлшеу хаттамасының қолданылу мерзімі 1 жылды құрайды.
8. Қосымша немесе қайта зерттеулер (сынақтар) мен өлшеулер жүргізбей өнімнің мемлекеттік тіркеу туралы куәлігін (оған қосымшаны) қайта ресімдеу мынадай:
