Осы редакция 2019 жылғы 21 тамызда енгізілген өзгерістеріне дейін қолданылды
Қазақстан Республикасы
Ішкі істер министрінің
2015 жылғы 8 мамырдағы
№ 440 бұйрығына
1-қосымша
«Қазақстан Республикасы Ішкі істер министрлігі арнайы мемлекеттік мұрағаты мен оның аумақтық
бөліністерінің шегінде мұрағаттық анықтамаларды және/немесе мұрағаттық құжаттардың көшірмелерін беру»
мемлекеттiк көрсетілетін қызмет регламентi
1. Жалпы ережелер
1. Мемлекеттік қызметті Қазақстан Республикасы Ішкі істер министрлігі, оның аумақтық бөліністері, Қазақстан Республикасы Ішкі істер министрлігінің оқу орындары (бұдан әрі - көрсетілетін қызметті беруші) көрсетеді.
2. Мемлекеттік қызмет көрсету нысаны: қағаз түрінде.
3. Мемлекеттік қызмет көрсетудің нәтижесі жеке және заңды тұлғаларға (бұдан әрі - көрсетілетін қызметті алушы) мөрмен бекітілген мұрағаттық анықтамаларды және/немесе мұрағаттық құжаттардың көшірмелерін қағаз тасымалдағыштарда беру болып табылады.
2. Мемлекеттiк қызмет көрсету процесінде іс-қимыл тәртібін сипаттау
4. Мұрағаттық анықтаманы және/немесе құжаттардың мұрағаттық көшірмелерін алу үшін көрсетілетін қызметті алушы (не оның сенімхат бойынша өкілі) «Қазақстан Республикасы Ішкі істер министрлігі арнайы мемлекеттік мұрағатының мемлекеттік көрсетілетін қызметтер стандарттарын бекіту туралы» Қазақстан Республикасы Ішкі істер министрінің 2015 жылғы 8 сәуірдегі № 320 бұйрығымен бекітілген тізілімде тіркелген мемлекеттік тіркеу № 11087 (бұдан әрі - Стандарт).
Стандарттың 9-тармағына сәйкес ерікті нысанда жазбаша өтініш ұсынады.
5. Мемлекеттік көрсетілетін қызмет сағат 13.00-ден 14.30-ға дейін түскі үзіліспен аптасына бес жұмыс күні сағат 9.00-ден 18.30-ға дейін ұсынылады.
Қабылдау Стандарттың 8-тармағына сәйкес алдын ала жазылусыз және жеделдетіп қызмет көрсетусіз кезек тәртібінде жүзеге асырылады.
