Осы редакция 2016 жылғы 25 ақпанда енгізілген өзгерістеріне дейін қолданылды
Қазақстан Республикасы
Әділет министрінің м.а.
2015 жылғы 28 мамырдағы
№ 300 бұйрығына 8-қосымша
«Жылжымайтын мүлікке құқық белгілейтін құжаттың телнұсқасын беру»
мемлекеттік көрсетілетін қызмет регламенті
1. Жалпы ережелер
1. Мемлекеттік көрсетілетін қызмет Қазақстан Республикасы Үкіметінің 2015 жылғы 28 сәуірдегі № 246 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11408 тіркелген) «Жылжымайтын мүлікке құқықтарды тіркеу және міндетті мемлекеттік тіркеуге жатпайтын жылжымалы мүлік кепілін тіркеу мәселелері бойынша мемлекеттік көрсетілетін қызметтердің стандарттарын бекіту туралы» мемлекеттік көрсетілетін қызмет стандарты (бұдан әрі - Стандарт) негізінде көрсетіледі.
2. Көрсетілетін қызмет нысаны - электрондық (ішінара автоматтандырылған) және (немесе) қағаз жүзінде (стандарттың 5-тармағы).
3. Жылжымайтын мүлiкке тiркелген құқықтар туралы құжаттың телнұсқасын беру мемлекеттік қызметті көрсетудің аяқталу нәтижесі болып табылады (стандарттың 6-тармағы).
2. Көрсетілетін қызметті берушінің құрылымдық бөлімшелерінің (жұмыскерлерінің)
мемлекеттік қызметті көрсету барысындағы әрекеттер тәртібінің сипаттамасы
4. Мемлекеттік көрсетілетін қызмет стандартының 9-тармағында көзделген құжаттар пакетін қоса отырып, мемлекеттік қызмет көрсету стандартының 1-қосымшасына сәйкес белгіленген нысандағы орталыққа қағаз нысанында мемлекеттік тіркеу туралы құқық белгілейтін құжаттың телнұсқасын немесе меншік құқығы туралы куәлікті беру туралы жазбаша өтініш мемлекеттiк қызмет көрсету бойынша рәсімдерінің (әрекеттерінің) басталуы үшін негiз болып табылады.
3. Құрылымдық бөлімшелердің (жұмыскерлердің) мемлекеттік
қызметті көрсету барысындағы өзара әрекеттесу тәртібінің сипаттамасы
5. Мемлекеттік қызмет көрсету барысына қатысатын көрсетілетін қызметті берушінің құрылымдық бөлімшелерінің (жұмыскерлерінің) тізімі:
