Осы редакция 2019 жылғы 6 наурызда енгізілген өзгерістеріне дейін қолданылды
Қазақстан Республикасы
Инвестициялар және даму министрінің
2015 жылғы 29 мамырдағы
№ 673 бұйрығына 3-қосымша
ҚР Инвестициялар және даму министрінің м.а. 2016.15.02. № 187 бұйрығымен тақырыбы жаңа редакцияда (бұр.ред.қара)
«Кеме экипажының ең аз құрамы туралы куәлік беру»
мемлекеттік көрсетілетін қызмет регламенті
(2017.22.11. берілген өзгерістер мен толықтырулармен)
1. Жалпы ережелер
ҚР Инвестициялар және даму министрінің м.а. 2016.15.02. № 187 бұйрығымен 1-тармақ жаңа редакцияда (бұр.ред.қара)
1. «Кеме экипажының ең аз құрамы туралы куәлік беру» мемлекеттік көрсетілетін қызметті (бұдан әрі - мемлекеттік көрсетілетін қызмет) Қазақстан Республикасы Инвестициялар және даму министрлігі Көлік комитетінің аумақтық органдары (бұдан әрі - көрсетілетін қызметті беруші) көрсетеді.
Өтініштерді қабылдау және мемлекеттік қызмет көрсету нәтижесі:
1) «Азаматтарға арналған үкімет» мемлекеттік корпорациясы» коммерциялық емес акционерлік қоғам (бұдан әрі - Мемлекеттік корпорация);
2) www.egov.kz, «электрондық үкіметтің» веб порталы (бұдан әрі - портал).
2. Мемлекеттік қызмет көрсетудің нысаны: электронды (жартылай автоматтандырылған) және (немесе) қағаз түрінде.
ҚР Инвестициялар және даму министрінің м.а. 2016.15.02. № 187 бұйрығымен (бұр.ред.қара); 2017.22.11. № 805 бұйрығымен (бұр.ред.қара) 3-тармақ жаңа редакцияда
3. Мемлекеттік қызметті көрсету нәтижесі - кеме экипажының ең аз құрамы туралы куәлік (бұдан әрі - куәлік) немесе Қазақстан Республикасы Инвестициялар және даму министрінің 2015 жылғы 30 сәуірдегі № 556 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11369 болып тіркелген) «Кеме экипажының ең аз құрамы туралы куәлік беру» мемлекеттік көрсетілетін қызмет стандартының (бұдан әрі - стандарт) 10-1-тармағында көрсетілген жағдайларда және негіздер бойынша мемлекеттік қызметті көрсетуден бас тарту туралы жазбаша дәлелді жауап (бұдан әрі - бас тарту).
