ҚАЗАҚСТАН РЕСПУБЛИКАСЫНЫҢ
ЗАҢЫ
Қылмыстық істер бойынша өзара құқықтық көмек туралы Еуропа конвенциясын ратификациялау туралы
1959 жылғы 20 сәуірде Страсбургте жасалған Қылмыстық істер бойынша өзара құқықтық көмек туралы Еуропа конвенциясы (бұдан әрі - Конвенция) мынадай ескертпелермен және мәлімдемелермен ратификациялансын:
1) Конвенцияның 5-бабының 1-тармағына сәйкес, Қазақстан Республикасы Конвенцияның көрсетілген бабының 1-тармағының а) және с) тармақшаларында көзделген шарттар сақталған кезде іздеуге немесе мүлікке тыйым салуға қатысты құқықтық көмек туралы сұрау салуларды орындау құқығын өзіне қалдырады;
2) Конвенцияның 7-бабының 3-тармағына сәйкес, Қазақстан Республикасы адамның келуі туралы шақыру қағазын табыс ету туралы тапсырманы адамның келуі белгіленген күнге дейін кемінде елу күн бұрын беру қажеттігі жөнінде мәлімдейді;
3) Конвенцияның 15-бабының 6-тармағына сәйкес, Қазақстан Республикасы құқықтық көмек туралы сұрау салуларды жіберуге және алуға уәкілетті орталық органдар мыналар деп мәлімдейді:
a) соттардың іс жүргізуіндегі қылмыстық істер бойынша құқықтық көмек туралы сұрау салуларға қатысты - Қазақстан Республикасының Жоғарғы Соты;
b) қылмыстық істер бойынша құқықтық көмек туралы барлық басқа сұрау салуға қатысты - Қазақстан Республикасының Бас прокуратурасы;
4) Қазақстан Республикасы Конвенцияның 16-бабының 2-тармағына сәйкес, Қазақстан Республикасына жіберілетін құқықтық көмек туралы сұрау салулар және оларға қоса берілетін материалдар қазақ немесе орыс тіліндегі аудармасымен қоса берілуге тиіс деп мәлімдейді;
5) Конвенцияның 23-бабының 1-тармағына сәйкес, Қазақстан Республикасы Конвенцияның 22-бабынан туындайтын міндеттемелерді 1963 жылғы 24 сәуірдегі Консулдық қатынастар туралы Вена конвенциясының 36-бабында көзделген шекте орындау құқығын өзіне қалдырады;
6) Конвенцияның 24-бабына сәйкес, Қазақстан Республикасы Конвенцияның мақсаттары үшін заң органдары ретінде Қазақстан Республикасының соттарын, прокуратура және сотқа дейінгі тергеп-тексеру органдарын айқындайды.
Қазақстан Республикасының
Президенті
Қ. ТОҚАЕВ
Астана, Ақорда, 2026 жылғы 6 қазан
№ 2-І ҚРЗ
