«Ветеринария саласындағы тәуекел дәрежесін бағалау өлшемшарттарын және тексеру парақтарын бекіту туралы» Қазақстан Республикасы Ауыл шаруашылығы министрінің 2015 жылғы 25 желтоқсандағы № 7-1/1130 және Қазақстан Республикасы Ұлттық экономика министрінің 2015 жылғы 28 желтоқсандағы № 802 бірлескен бұйрығына өзгерістер мен толықтырулар енгізу туралы
Қазақстан Республикасы Ауыл шаруашылығы министрінің 2023 жылғы 8 маусымдағы № 221 және Қазақстан Республикасы Ұлттық экономика министрінің 2023 жылғы 8 маусымдағы № 102 бірлескен бұйрығы
БҰЙЫРАМЫЗ:
1. «Ветеринария саласындағы тәуекел дәрежесін бағалау өлшемшарттарын және тексеру парақтарын бекіту туралы» Қазақстан Республикасы Ауыл шаруашылығы министрінің 2015 жылғы 25 желтоқсандағы № 7-1/1130 және Қазақстан Республикасы Ұлттық экономика министрінің 2015 жылғы 28 желтоқсандағы № 802 бірлескен бұйрығына (Нормативтік құқықтық актілерді мемлекеттік тіркеу тізілімінде № 12636 болып тіркелген) мынадай өзгерістер мен толықтырулар енгізілсін:
1-тармақта:
25), 26), 27), 28), 29, 30) және 31) тармақшалар мынадай редакцияда жазылсын:
«25) осы бірлескен бұйрыққа 25-қосымшаға сәйкес ветеринариялық емдеу-профилактикалық қызметті жүзеге асыратын субъектілерге қатысты ветеринария саласындағы тексеру парағы;
26) осы бірлескен бұйрыққа 26-қосымшаға сәйкес дезинфекция, дезинсекция, дератизация, дегельминтизация жүргізу жөніндегі қызметті жүзеге асыратын субъектілерге қатысты ветеринария саласындағы тексеру парағы;
27) осы бірлескен бұйрыққа 27-қосымшаға сәйкес ветеринариялық мақсаттарға арналған дәрiлiк заттарды, биологиялық препараттарды, ветеринариялық және зоогигиеналық мақсаттағы бұйымдар мен атрибуттарды өткiзу қызметін жүзеге асыратын субъектілерге қатысты ветеринария саласындағы тексеру парағы;
28) осы бірлескен бұйрыққа 28-қосымшаға сәйкес жануарларға арналған парфюмерия немесе косметика құралдары ретінде пайдаланылатын ветеринариялық препараттарды өндіруді жүзеге асыратын субъектілерге қатысты ветеринария саласындағы тексеру парағы;
