ҚР Мәдениет және спорт министрінің 2020 жылғы 25 маусымдағы № 188 бұйрығымен күші жойылды
ҚР Мәдениет және спорт министрінің 2019.17.05. № 139 бұйрығымен мемлекеттiк көрсетiлетiн қызмет стандартымен толықтырылды
Қазақстан Республикасы
Мәдениет және спорт министрінің
2015 жылғы 22 cәуірдегі № 146 бұйрығына
4-қосымша
«Мемориалдық тақталарды орнатуға рұқсат беру»
мемлекеттiк көрсетiлетiн қызмет стандарты
(2019.17.05. берілген толықтырулармен)
1-тарау. Жалпы ережелер
1. «Мемориалдық тақталарды орнатуға рұқсат беру» мемлекеттiк көрсетiлетiн қызметi (бұдан әрi - мемлекеттiк көрсетiлетiн қызмет).
2. Мемлекеттiк көрсетiлетiн қызмет стандартын Қазақстан Республикасы Мәдениет және спорт министрлiгi (бұдан әрi - Министрлiк) әзiрледi.
3. Мемлекеттiк көрсетiлетiн қызметті облыстардың, Нұр-Сұлтан, Алматы және Шымкент қалаларының жергiлiктi атқарушы органдары (бұдан әрi - көрсетiлетiн қызметтi берушi) көрсетедi.
Өтінішті қабылдау және мемлекеттік қызмет көрсетудің нәтижеcін беру көрсетілетін қызметті берушінің кеңсесі арқылы жүзеге асырылады.
2-тарау. Мемлекеттік қызметті көрсету тәртібі
4. Мемлекеттiк қызмет көрсету мерзiмi көрсетілетін қызметті берушіге жеке және заңды тұлғалардың (көрсетілетін қызметті алушы) құжаттар топтамасын тапсырған сәттен бастап - 30 (отыз) күнтізбелік күн.
Көрсетілетін қызметті беруші көрсетiлетiн қызметтi алушының құжаттарын алған кезден бастап екі жұмыс күн ішінде ұсынылған құжаттардың толықтығын тексереді.
Ұсынылған құжаттардың толық еместігі анықталған жағдайда көрсетілетін қызметті беруші көрсетілген мерзімде өтінішті одан әрі қараудан бас тарту жөнінде жазбаша дәлелді түрде жауап береді.
5. Мемлекеттік қызмет көрсету нысаны: қағаз түрінде.
