«Жер қойнауын пайдалану мәселелері жөніндегі сараптама комиссиясы туралы» 2018 жылғы 16 наурыздағы № 98 Қазақстан Республикасы Энергетика министрінің бұйрығына өзгерістер мен толықтырулар енгізу туралы
Қазақстан Республикасы Энергетика министрінің 2018 жылғы 27 тамыздағы № 338 бұйрығы
«Жер қойнауы және жер қойнауын пайдалану туралы» 2017 жылғы 27 желтоқсандағы Қазақстан Республикасының Кодексі 277-бабының 14-тармағының 5) тармақшасына сәйкес БҰЙЫРАМЫН:
1. «Жер қойнауын пайдалану мәселелері жөніндегі сараптама комиссиясы туралы» Қазақстан Республикасы Энергетика министрінің 2018 жылғы 16 наурыздағы № 98 бұйрығына (бұдан әрі- Бұйрық) мынадай өзгерістер мен толықтырулар енгізілсін:
3-тармақ мынадай редакцияда жазылсын:
«3. Комиссияның міндеті рұқсат беру туралы өтініштерді қарау кезінде:
1) осы Кодекс қолданысқа енгізілгеннен кейін жасалған келісімшарттар үшін жер қойнауын пайдалану құқығы және (немесе) жер қойнауын пайдалану құқығымен байланысты объектілерді беру, сондай-ақ Кодекстің 109-бабының 1 және 4-тармақтарында, 121-бабының 14-тармағында және 278-бабының 12-тармағында көзделген жағдайларға;
