«Қала құрылысы жобаларын (елді мекендердің бас жоспарлары, егжей-тегжейлі жоспарлау жобалары мен құрылыс салу жобаларын) әзірлеу, келісу және бекіту қағидаларын бекіту туралы» Қазақстан Республикасы Индустрия және инфрақұрылымдық даму министрінің 2020 жылғы 30 қыркүйектегі № 505 бұйрығына өзгерістер мен толықтырулар енгізу туралы
Қазақстан Республикасы Өнеркәсіп және құрылыс министрінің 2024 жылғы 29 маусымдағы № 234 бұйрығы
БҰЙЫРАМЫН:
1. «Қала құрылысы жобаларын (елді мекендердің бас жоспарлары, егжей-тегжейлі жоспарлау жобалары мен құрылыс салу жобаларын) әзірлеу, келісу және бекіту қағидаларын бекіту туралы» Қазақстан Республикасы Индустрия және инфрақұрылымдық даму министрінің 2020 жылғы 30 қыркүйектегі № 505 бұйрығына (Нормативтік құқықтық актілерді мемлекеттік тіркеу тізілімінде № 21342 болып тіркелген) мынадай өзгерістер мен толықтырулар енгізілсін:
көрсетілген бұйрықпен бекітілген Қала құрылысы жобаларын (елді мекендердің бас жоспарлары, егжей-тегжейлі жоспарлау жобалары мен құрылыс салу жобаларын) әзірлеу, келісу және бекіту қағидаларында:
2-1-тармақ мынадай редакцияда жазылсын:
«2-1. Бас жоспарлар аумақтарды қала құрылысын жоспарлаудың кешенді схемаларына (аудандық жоспарлау жобалары) сәйкес және Қазақстан Республикасының әуе кеңiстiгiн пайдалану және авиация қызметі туралы Қазақстан Республикасының заңнамасымен қарастырылған шектеулерді ескере отырып әзірленеді.»;
2-2-тармақтың орыс тіліндегі мәтініне өзгеріс енгізілді, қазақ тіліндегі мәтіні өзгеріссіз қалады;
2-4-тармақ мынадай редакцияда жазылсын:
«2-4. ЕТЖЖ-ның тапсырыс берушісі кешенді қала құрылысы сараптамасынан өткенге дейін Мемлекеттік қала құрылысы кадастры автоматтандырылған ақпараттық жүйесін қолдана отырып, олардың функционалдық аймақтардың елді мекеннің бекітілген бас жоспарына сәйкестігіне тексеруді қамтамасыз етеді.»;
мынадай мазмұндағы 2-6-тармақпен толықтырылсын:
