«Мүліктік құқықтарды ұжымдық негізде басқаратын ұйымдарды аккредиттеу» мемлекеттік қызмет көрсету қағидаларын бекіту туралы» Қазақстан Республикасы Әділет министрінің 2020 жылғы 19 наурыздағы № 105 бұйрығына өзгерістер енгізу туралы
Қазақстан Республикасы Әділет министрінің 2023 жылғы 21 маусымдағы № 397 бұйрығы
БҰЙЫРАМЫН:
1. «Мүліктік құқықтарды ұжымдық негізде басқаратын ұйымдарды аккредиттеу» мемлекеттік қызмет көрсету қағидаларын бекіту туралы» Қазақстан Республикасы Әділет министрінің 2020 жылғы 19 наурыздағы № 105 бұйрығында (Нормативтік құқықтық актілерді мемлекеттік тіркеу тізілімінде № 20153 болып тіркелген) мынадай өзгерістер енгізілсін:
көрсетілген бұйрықпен бекітілген «Мүліктік құқықтарды ұжымдық негізде басқаратын ұйымдарды аккредиттеу» мемлекеттік қызмет көрсету қағидаларында:
4-тармақты мынадай редакцияда жазылсын:
«Мемлекеттік қызмет көрсету мерзімі он бес жұмыс күні.
Мемлекеттік қызметті алу үшін заңды тұлға (бұдан әрі – көрсетілетін қызметті алушы) көрсетілетін қызметті берушіге портал арқылы:
1) осы Қағидаларға 1-қосымшаға сәйкес нысан бойынша электрондық түрде аккредиттеуді алу үшін өтінішті жібереді.
Өтініш аккредиттеу жөніндегі комиссияның отырысы өткізілетін күнге дейін он жұмыс күнінен кешіктірілмей жіберіледі.
Құжаттарды қабылдау мерзімі туралы ақпарат көрсетілетін қызметті берушінің интернет-ресурсында құжаттарды қабылдау басталғанға дейін жиырма жұмыс күнінен кешіктірілмей орналастырылады;
2) осы Қағидаларға 3-қосымшаға сәйкес аккредиттеуден өту үшін мүліктік құқықтарды ұжымдық негізде басқаратын ұйым ұсынатын мәліметтер нысанын жібереді.»
8-тармақты мынадай редакцияда жазылсын:
