«Коллекторлық агенттіктің сақталуға жататын негізгі құжаттарының тізбесін және оларды сақтау мерзімдерін бекіту туралы» Қазақстан Республикасы Ұлттық Банкі Басқармасының 2017 жылғы 30 маусымдағы № 120 қаулысына өзгерістер енгізу туралы
Қазақстан Республикасы Қаржы нарығын реттеу және дамыту агенттігі Басқармасының 2024 жылғы 31 қаңтардағы № 8 Қаулысы
Қазақстан Республикасы Қаржы нарығын реттеу және дамыту агенттігінің Басқармасы ҚАУЛЫ ЕТЕДІ:
1. «Коллекторлық агенттіктің сақталуға жататын негізгі құжаттарының тізбесін және оларды сақтау мерзімдерін бекіту туралы» Қазақстан Республикасы Ұлттық Банкі Басқармасының 2017 жылғы 30 маусымдағы № 120 қаулысына (Нормативтік құқықтық актілерді мемлекеттік тіркеу тізілімінде № 15581 болып тіркелген) мынадай өзгерістер енгізілсін:
кіріспе мынадай редакцияда жазылсын:
«Коллекторлық қызмет туралы» Қазақстан Республикасының Заңына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:»;
көрсетілген қаулымен бекітілген Коллекторлық агенттіктің сақталуға жататын негізгі құжаттарының тізбесінде және оларды сақтау мерзімдерінде:
реттік нөмірлері 68 және 69 жолдар мынадай редакцияда жазылсын:
| « | 68. | Коллекторлық агенттік банктік қарыз шарттары немесе микрокредит беру шарттары бойынша құқықты (талап етуді) кредитордан сатып алған қарыз алушы (кепілсіз қарыздар бойынша) - жеке және заңды тұлғалардың кредиттік досьелері, оның ішінде кредитордың банктік қарыз шарты және кәсіпкерлік қызметті жүзеге асырумен байланысты емес микрокредит беру туралы шарт бойынша мерзімі өткен берешек туындаған күннен бастап қатарынан жиырма төрт ай ішінде қарыз алушы - жеке тұлғаның мерзімі өткен берешегін реттеу жөніндегі рәсімді жүргізгенін және коллекторлық агенттіктің қарыз алушы - жеке тұлғаның берешегін реттеу рәсімін құқықты (талапты) алған кезден бастап он екі ай ішінде жүргізгенін растайтын: 1) қағаз тасымалдағыштағы; | 5 жыл* | 5 жыл* | *Шарт бойынша барлық міндеттемелер орындалғаннан кейін |
