«Ауыл шаруашылығы мақсатындағы жер учаскесі паспортының нысанын бекіту туралы» Қазақстан Республикасы Ұлттық экономика министрінің м.а. 2015 жылғы 17 сәуірдегі № 344 бұйрығы

Ауыл шаруашылығы мақсатындағы жер учаскесі паспортының нысанын бекіту туралы
Қазақстан Республикасы Ұлттық экономика министрінің м.а. 2015 жылғы 17 сәуірдегі № 344 бұйрығы

2003 жылғы 20 маусымдағы Қазақстан Республикасы Жер кодексінің 97-бабының 7-тармағына сәйкес БҰЙЫРАМЫН:

1. Қоса берілген Ауыл шаруашылығы мақсатындағы жер учаскесi паспортының нысаны бекітілсін.

2. Қазақстан Республикасы Ұлттық экономика министірлігінің Экономиканың инфрақұрылымын дамыту департаменті заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық мемлекеттік тіркеуден өткеннен кейін күнтізбелік он күн ішінде оның мерзімді баспасөз басылымдарында және «Әділет» ақпараттық-құқықтық жүйесінде ресми жариялауға жіберілуін;

3) осы бұйрықтың Қазақстан Республикасы Ұлттық экономика министрлігінің интернет-ресурсында орналастырылуын қамтамасыз етсін.