Қазақстан Республикасы Үкіметінің 2001 жылғы 19 маусымдағы № 836 және 2009 жылғы 28 мамырдағы № 787 қаулыларына толықтырулар енгізу туралы
Қазақстан Республикасының Үкіметінің 2011 жылғы 5 сәуірдегі № 356 Қаулысы
Осы редакция 2018 жылғы 11 тамызда енгізілген өзгерістеріне дейін қолданылды
Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Үкіметінің кейбір шешімдеріне мынадай толықтырулар енгізілсін:
1) «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы» Қазақстан Республикасы Үкіметінің 2001 жылғы 19 маусымдағы № 836 қаулысында (Қазақстан Республикасының ПҮАЖ-ы, 2001 ж., № 23, 288-құжат):
көрсетілген қаулымен бекітілген Қазақстан Республикасына шетелдік жұмыс күшін тартуға квота белгілеу ережесінде, жұмыс берушілерге рұқсат берудің шарттары мен тәртібінде:
3-тармақта:
16-4) тармақша «қоғамында» деген сөзден кейін «және ол кұрған мекемелерде, сондай-ақ «Назарбаев Зияткерлік мектептері» акционерлік қоғамында» деген сөздермен толықтырылсын;
16-5) тармақша «қоғамына» деген сөзден кейін «немесе «Назарбаев Зияткерлік мектептері» акционерлік қоғамына» деген сөздермен толықтырылсын;
