«Ұлттық фильмдер деп танылуға үмітті киножобаларды шығару бойынша мемлекеттік қаржылық қолдау көрсету үшін оларды іріктеу қағидаларын бекіту туралы» Қазақстан Республикасы Мәдениет және спорт министрі міндетін атқарушысының 2019 жылғы 15 наурыздағы № 64 бұйрығына толықтыру енгізу туралы
Қазақстан Республикасы Мәдениет және спорт министрінің 2019 жылғы 3 шілдедегі № 188 бұйрығы
БҰЙЫРАМЫН:
1. «Ұлттық фильмдер деп танылуға үмітті киножобаларды шығару бойынша мемлекеттік қаржылық қолдау көрсету үшін оларды іріктеу қағидаларын бекіту туралы» Қазақстан Республикасы Мәдениет және спорт министрі міндетін атқарушысының 2019 жылғы 15 наурыздағы № 64 бұйрығына (Нормативтік құқықтық актілерді мемлекеттік тіркеу тізілімінде № 18405 болып тіркелген, 2019 жылғы 1 сәуірде Қазақстан Республикасы нормативтік құқықтық актілерінің эталондық бақылау банкінде жарияланған) мынадай толықтыру енгізілсін:
көрсетілген бұйрықпен бекітілген Ұлттық фильмдер деп танылуға үмітті киножобаларды шығару бойынша мемлекеттік қаржылық қолдау көрсету үшін оларды іріктеу қағидалары:
мынадай мазмұндағы 15-тармақпен толықтырылсын:
«15. Осы Қағидалардың 3, 5, 7 және 11-тармақтарында көрсетілген мерзімдер Орталықтың бірінші жұмыс істейтін жылы алты айға дейін ұзартылады.».
