«Авиация персоналы куәліктерін беру және олардың қолданылу мерзімін ұзарту қағидаларын бекіту туралы» Қазақстан Республикасы Көлік және коммуникация министрінің 2013 жылғы 26 қыркүйектегі № 750 бұйрығына өзгерістер енгізу туралы
Қазақстан Республикасы Индустрия және инфрақұрылымдық даму министрінің 2019 жылғы 23 шілдедегі № 543 бұйрығы
БҰЙЫРАМЫН:
1. «Авиация персоналы куәліктерін беру және олардың қолданылу мерзімін ұзарту қағидаларын бекіту туралы» Қазақстан Республикасы Көлік және коммуникация министрінің 2013 жылғы 26 қыркүйектегі № 750 бұйрығына (Нормативтік құқықтық актілерді мемлекеттік тіркеу тізілімінде № 8782 болып тіркелген, «Егемен Қазақстан» газетінің 2014 жылғы 1 ақпандағы № 22 (28246) санында жарияланған) мынадай өзгерістер енгізілсін:
көрсетілген бұйрықпен бекітілген Авиация персоналы куәліктерін беру және олардың қолданылу мерзімін ұзарту қағидаларында:
2-тармақ мынадай редакцияда жазылсын:
«2. Осы Қағидаларда мынадай терминдер мен анықтамалар пайдаланылады:
1) авиациялық персонал - әуе кемелерінің ұшуын, әуе тасымалдарын және авиациялық жұмыстарды орындау және қамтамасыз ету, әуе кемелеріне техникалық қызмет көрсету, әуе қозғалысын ұйымдастыру және оған қызмет көрсету, әуе қозғалысын басқару бойынша көрсетілетін қызметті жүзеге асыратын, арнайы және (немесе) кәсіптік даярлығы бар жеке тұлғалар;
2) авиациялық персонал куәлігі - авиациялық персоналдың біліктілігі мен өкілеттігін растайтын құжат;
3) авиациялық персонал куәліктерін беру тізілімі (бұдан әрі - Тізілім) - авиациялық персонал куәліктерін беру туралы жазба жазылатын құжат;
4) азаматтық авиация саласындағы уәкілетті ұйым (бұдан әрі - уәкілетті ұйым) - азаматтық және эксперименттік авиация қызметі мен әуе кеңістігін пайдалану саласындағы басшылықты жүзеге асыратын орталық атқарушы ұйым;
5) азаматтық авиация ұйымы (бұдан әрі - АА ұйымы) - азаматтық авиация саласындағы қызметті жүзеге асыратын заңды тұлға;
