Қазақстан Республикасы Денсаулық сақтау министрлігінің кейбір бұйрықтарына өзгерістер мен толықтыру енгізу туралы
Қазақстан Республикасы Денсаулық сақтау министрінің 2019 жылғы 19 шілдедегі № ҚР ДСМ-106 бұйрығы
Осы редакция 2020 жылғы 30 қазанда енгізілген өзгерістеріне дейін қолданылды
«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі Кодексінің 7-бабы 1-тармағының 5), 9) және 73) тармақшаларына және «Жол жүрісі туралы» 2014 жылғы 17 сәуірдегі Қазақстан Республикасының Заңы 12-бабының 2) тармақшасына сәйкес БҰЙЫРАМЫН:
1. Қазақстан Республикасы Денсаулық сақтау министрлігінің кейбір бұйрықтарына мынадай өзгерістер мен толықтыру енгізілсін:
1) «Көлік құралдарын басқару құқығын алуға үміткер адамды медициналық қарап тексеруден, механикалық көлік құралдары жүргізушісін қайта медициналық қарап тексеруден өткізу қағидаларын бекіту туралы» Қазақстан Республикасы Денсаулық сақтау министрінің 2013 жылғы 20 наурыздағы № 166 бұйрығында (Нормативтiк құқықтық актілердi мемлекеттiк тiркеу тiзiлiмiнде № 8437 болып тіркелген, 2013 жылғы 20 желтоқсанда № 190 «Заң газеті» газетінде жарияланған):
көрсетілген бұйрықпен бекітілген Көлік құралдарын басқару құқығын алуға үміткер адамды медициналық қарап тексеруден, механикалық көлік құралдары жүргізушісін қайта медициналық қарап тексеруден өткізу қағидаларында:
1-тарау мынадай мазмұндағы тақырыппен толықтырылсын:
«1-тарау. Жалпы ережелер»;
5-тармақ мынадай редакцияда жасылсын:
«Үміткерлерді медициналық қарап-тексеру және механикалық көлік құралдарын жүргізушілерді қайта медициналық қарап-тексеру кәсіптік жарамдылық сараптамасын жүргізу бойынша медициналық қызметті жүзеге асыруға лицензиясы бар денсаулық сақтау ұйымдарында немесе жергілікті жерде тіркелген медициналық-санитариялық алғашқы көмек ұйымдарында (бұдан әрі - медициналық ұйымдар) жүргізіледі.
2-тараудың тақырыбы мынадай редакцияда жазылсын:
