«Қазақстан Республикасының заңды тұлғаларымен көлік құралдарын өнеркәсіптік құрастыру туралы келісімді жасасу қағидалары мен шарттарын, сондай-ақ оны өзгерту және бұзу үшін негіздемелерді және үлгілік нысанын бекіту туралы» Қазақстан Республикасы Индустрия және инфрақұрылымдық даму министрінің м.а. 2022 жылғы 30 мамырдағы № 303 бұйрығына өзгерістер мен толықтыру енгізу туралы
Қазақстан Республикасы Өнеркәсіп және құрылыс министрінің 2024 жылғы 19 наурыздағы № 106 бұйрығы
БҰЙЫРАМЫН:
1. «Қазақстан Республикасының заңды тұлғаларымен көлік құралдарын өнеркәсіптік құрастыру туралы келісімді жасасу қағидалары мен шарттарын, сондай-ақ оны өзгерту және бұзу үшін негіздемелерді және үлгілік нысанын бекіту туралы» Қазақстан Республикасы Индустрия және инфрақұрылымдық даму министрінің м.а. 2022 жылғы 30 мамырдағы № 303 бұйрығына (Нормативтік құқықтық актілерді мемлекеттік тіркеу тізілімінде № 28283 болып тіркелген) мынадай өзгерістер мен толықтыру енгізу:
көрсетілген бұйрықпен бекітілген Қазақстан Республикасының заңды тұлғаларымен көлік құралдарын өнеркәсіптік құрастыру туралы келісімді жасасу қағидалары мен шарттарында, сондай-ақ өзгерту және бұзу үшін негіздерінде:
2-тармақ келесі мазмұнды 6)-тармақшасымен толықтырылсын:
«6) өндірістік активтер - ауыл шаруашылығы техникасын дайындау кезінде өндіріске тікелей қатысатын, өнеркәсіптік құрастыруды жүзеге асыру кезінде пайдаланылатын лизингтік активтерді қоса алғанда, кәсіпорынның немесе лизингтік компанияның балансындағы негізгі қаражаттарға жататын ұзақ мерзімді активтер.»;
7-тармақ мынадай редакцияда жазылсын:
«7. Келісімнің қолданылу кезеңінде осы Қағидалардың 22-тармағына сәйкес есептелетін оқшаулауды бағалаудың балдық жүйесі сәйкес келген кезде, Келісім шеңберінде талаптар мен міндеттемелердің орындалуы сақталған кезде заңды тұлға мынадай технологиялық операцияларды орындау кезінде ЕАЭО СЭҚ ТН тиісті коды бойынша көлік құралдарын өндіруді жүзеге асырады:
