«Мемлекеттік қызметті өткерудің кейбір мәселелері туралы» Қазақстан Республикасы Мемлекеттік қызмет істері агенттігі Төрағасының 2021 жылғы 10 қыркүйектегі № 158 бұйрығына өзгерістер мен толықтырулар енгізу туралы
Қазақстан Республикасының Мемлекеттік қызмет істері агенттігі Төрағасының 2025 жылғы 16 мамырдағы № 86 бұйрығы
БҰЙЫРАМЫН:
1. «Мемлекеттік қызметті өткерудің кейбір мәселелері туралы» Қазақстан Республикасы Мемлекеттік қызмет істері агенттігі Төрағасының 2021 жылғы 10 қыркүйектегі № 158 бұйрығына (Нормативтік құқықтық актілерді мемлекеттік тіркеу тізілімінде № 24350 болып тіркелген) мынадай өзгерістер мен толықтырулар енгізілсін:
жоғарыда көрсетілген бұйрықпен бекітілген мемлекеттік қызметшінің жеке ісін жүргізу үшін қажетті құжаттар тізбесінде:
1-тармақта:
9) және 11) тармақшалары мынадай редакцияда жазылсын:
«9) мемлекеттік қызметші қол қойған ант мәтіні бар бланк (түпнұсқа мемлекеттік қызметші ант қабылдаған мемлекеттік органда ғана сақталады. Мемлекеттік қызметшінің қызметтік тізіміне ант бергені туралы тиісті жазба енгізіледі.).
Қазақстан Республикасының Президентімен лауазымға тағайындалатын мемлекеттік қызметшінің ант мәтіні бар бланкінің түпнұсқасы Қазақстан Республикасы Президентінің Әкімшілігінде сақталады;
11) мемлекеттік қызметшіге тәртіптік жаза қолдану және оны мерзімінен бұрын алып тастау (бар болған жағдайда) туралы уәкілетті адамның актілері;»;
мынадай мазмұндағы 11-1) тармақшамен толықтырылсын:
«11-1) мемлекеттік қызметші туралы құқықтық статистика және арнайы есепке алу жөніндегі уәкілетті органнан «Е-қызмет» ақпараттық жүйесі арқылы сұратылатын құқық бұзушылықтар жөніндегі мәліметтер;»;
12) тармақша мынадай редакцияда жазылсын:
«12) осы тізбенің қосымшасына сәйкес нысан бойынша өмірбаян;»;
17) тармақша мынадай редакцияда жазылсын:
