«АТФБанк» АҚ уәкілетті органы бекіткен
(2015 жылғы 7 қарашадағы № 59 шешім)
«Жеңіл» өнімі бойынша Банктік қарыз шартына арналған талаптар
Осы Талаптарды, бұдан әрі - «Талаптар» деп аталады, «АТФБанк» АҚ Қазақстан Республикасы Азаматтық кодексінің 388-бабы тәртібінде банктік қарыз шарттарына арнап жасады, осы Талаптарға сілтеме жасалған банктік қарыз шарттарының жекелеген талаптарын анықтайды.
1. Шарттың негізінде Банк Қарыз алушыға тұтыну мақсатында, Шартта көрсетілген мөлшерде, мерзімге, сыйақымен Кредит береді. Қарыз алушыны кредиттеу талаптары Шартта, оның ішінде Талаптарда және Банктің Қарыз алушыға беретін және Шарттың ажырамас бөлігі/Шарттың талаптары болып табылатын, Қарыз алушыға кредит берудің нақты талаптары алдын ала келісілетін құжаттарда анықталады (Шарттың бұзылуы оның ішінде оларды бұзу және Талаптарды бұзу болып табылады).
2. Төменде көрсетілген ережелер Қазақстан Республикасының заңнамасына сай банктік қарыз шартының алғашқы екі бетінде (немесе банктік қарыз шарты бір бетті екі бағанға бөлу арқылы, бірден екі тілде ресімделсе, онда алғашқы төрт бетінде) орналастырылуы тиіс талаптар болып табылады.
2.1. Шарт бойынша міндеттемелер бұзылған кезде, Банк: а) 5 (бес) жұмыс күні ішінде Берешектің барлық сомасын мерзімінен бұрын қайтаруды талап етуге және/немесе б) Қарыз алушыдан тұрақсыздық айыбын (айыппұл, өсімпұл) өндіріп алуға, оның ішінде Негізгі борышты қайтару және сыйақы төлеу мерзімін өткізгені үшін, және/немесе в) Қарыз алушының барлық/кез келген банктік шоттарынан барлық/кез келген берешек сомасын (оның ішінде тұрақсыздық айыбын) акцептсіз/даусыз тәртіппен алуға/есептен шығаруға; г) берешекті сот тәртібімен өндіріп алуға; д) берешекті өндіріп алуды үшінші тұлғаларға тапсыруға; е) Кредит беруді тоқтатуға; ж) Қазақстан Республикасының заңнамасына сәйкес берешекті өндіріп алудың өзге шараларын қолдануға құқылы.
2.2. Шарт Тараптар оған қол қойған сәттен бастап күшіне енеді және Қарыз алушы Шарт бойынша міндеттемелерін толық орындағанға дейін қолданылады.
