«Нотариаттық қызмет саласындағы тәуекел дәрежесін бағалау өлшемшарттары және тексеру парақтарын бекіту туралы» Қазақстан Республикасы Әділет министрінің 2018 жылғы 6 қарашадағы № 1529 және Қазақстан Республикасы Ұлттық экономика министрінің 2018 жылғы 6 қарашадағы № 60 бірлескен бұйрығына өзгерістер мен толықтырулар енгізу туралы
Қазақстан Республикасы Әділет министрінің 2023 жылғы 13 қарашадағы № 812 және Қазақстан Республикасы Ұлттық экономика министрінің 2023 жылғы 14 қарашадағы № 176 бірлескен бұйрығы
БҰЙЫРАМЫЗ:
1. «Нотариаттық қызмет саласындағы тәуекел дәрежесін бағалау өлшемшарттары және тексеру парақтарын бекіту туралы» Қазақстан Республикасы Әділет министрінің 2018 жылғы 6 қарашадағы № 1529 және Қазақстан Республикасы Ұлттық экономика министрінің 2018 жылғы 6 қарашадағы № 60 бірлескен бұйрығына (Нормативтік құқықтық актілерді мемлекеттік тіркеу тізілімінде № 17706 болып тіркелген) мынадай өзгерістер мен толықтырулар енгізілсін:
1-тармақта:
4) тармақша мынадай редакцияда жазылсын:
«4) біліктілік немесе рұқсат беру талаптарына сәйкестігіне тексерулер жүргізу үшін жеке практикамен айналысатын нотариустар (жекеше нотариустар) қызметін тексеру парақтары осы бірлескен бұйрықтың 4-қосымшасына сәйкес;»;
5) тармақша мынадай редакцияда жазылсын:
«5) бақылау субъектісіне (объектісіне) бару арқылы профилактикалық бақылау/тексеру жүргізу үшін жеке практикамен айналысатын нотариустар (жекеше нотариустар) қызметін тексеру парақтары осы бірлескен бұйрықтың 5-қосымшасына сәйкес;»;
мынадай мазмұндағы 6) тармақшамен толықтырылсын:
6) бақылау субъектісіне (объектісіне) бару арқылы профилактикалық бақылау/тексеру жүргізу үшін аумақтық нотариаттық палаталардың қызметін тексеру парақтары осы бірлескен бұйрықтың 6-қосымшасына сәйкес;»;
осы бірлескен бұйрықтың 1, 2 және 3-қосымшаларына сәйкес бірлескен бұйрыққа 1, 4 және 5-қосымшалар жаңа редакцияда жазылсын;
осы бірлескен бұйрықтың 4-қосымшасына сәйкес бірлескен бұйрыққа 6-қосымшамен толықтырылсын.
