(БҰРЫНҒЫ РЕДАКЦИЯ) «ОБЛЫСТЫҚ КОММУНАЛДЫҚ МЕНШІККЕ ЖАТАТЫН АКЦИОНЕРЛІК Қ...

Облыстық коммуналдық меншікке жататын акционерлік қоғамдардың және жауапкершілігі шектеулі серіктестіктердің дивидендтерінің (кірістерінің) көлемдерін белгілеу туралы
Маңғыстау облысы әкімдігінің 2020 жылғы 23 сәуірдегі № 70 Қаулысы

Осы редакция 2023 жылғы 6 ақпанда енгізілген өзгерістеріне дейін қолданылды

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 2011 жылғы 1 наурыздағы «Мемлекеттік мүлік туралы» заңдарына сәйкес, Маңғыстау облысының әкімдігі ҚАУЛЫ ЕТЕДІ:

1. Акцияларының 100 (жүз) пайыз мемлекеттік пакетімен (жарғылық капиталдағы қатысу үлесі) облыстық коммуналдық меншікке жататын акционерлік қоғамдар мен жауапкершілігі шектеулі серіктестіктердің (бұдан әрі - акционерлік қоғамдар мен жауапкершілігі шектеулі серіктестіктер) дивидендтерінің (кірістерінің) көлемі таза табысынан 70 (жетпіс) пайыздан кем емес мөлшерінде белгіленсін.