Осы редакция 2016 жылғы 27 мамырға енгізілген өзгерістеріне дейін қолданылды
Қазақстан Республикасы
Ауыл шаруашылығы министрінің
2014 жылғы 10 қазандағы
№ 3-3/517 бұйрығына
2-қосымша
Еттілі бағыттағы ірі қара малды бағалау бойынша
нұсқаулық
1. Жалпы ережелер
1. Еттілі бағыттағы ірі қара малды бағалау бойынша нұсқаулық (бұдан әрі - Нұсқаулық) 2014 жылғы 9 шіледегі Қазақстан Республикасының «Асыл тұқымды мал шаруашылығы туралы» заңының 13-бабының 4) тармақшасына сәйкес әзірленіп, еттілі ірі қара малды бағалауды нақтылай түседі.
2. Еттілі бағыттағы ірі қара малды бағалау бағалаушымен (сыныптаушы) жүргізіледі.
1. Еттілі бағыттағы ірі қара малды бағалауды ұйымдастыру
3. Еттілі бағыттағы ірі қара малды (бұдан әрі - ІҚМ) бағалау жыл сайын меншік нысанына қарамастан асыл тұқымды малдары бар шаруашылықтарда тамыздан қазан айына дейін (аймақтармен малдың күйіне байланысты) жүргізіледі.
4. Бағалаудың алдында:
бұқашықтарды өз өнімділігімен және бұқаларды ұрпағының сапасымен бағалаудың қорытындысын шығару;
малдардың жеке нөмірлерін тексеру, анықтау және орнына келтіру;
бірінші және үшінші тума сиырлардың және ағымдағы жылы үш және бес жасқа толған бұқалардың сызықтық өлшемдерін анықтау (асыл тұқымдық кітапқа енгізілетін малдарға);
малдарды өлшеу (ертеңгісін, азықтанар алдында) және қоңдылығын анықтау (жоғарғы, орта,ортадан төмен);
малдардың буаздылығын және жыныс органдарының паталогиялық өзгерітерін анықтау, бұқалардың ұрығынының сапасын тексеру;
асылдандыру есебінің жазбаларын анықтау.
5. Тұқымдығы бойынша ІҚМ таза тұқымды және будандарға бөлінеді.
6. Таза тұқымдылықтарға жатқызады:
1) ата енесі бір тұқымнан шыққан, таза қандылығы құжаттарымен дәлелденетін;
2) сіңіре бұдандастыру арқылы алынған, тұқымдық белгілері жақсы нақышталған және кешенді белгілері бойынша элита класынан төмен емес IV бұынды будандар;
