«Қоршаған ортаға эмиссияларға рұқсат беру үшін құжаттардың нысандарын және оларды толтыру қағидаларын бекіту туралы» Қазақстан Республикасы Энергетика министрінің 2015 жылғы 20 ақпандағы № 115 бұйрығына өзгерістер енгізу туралы
Қазақстан Республикасы Энергетика министрінің 2016 жылғы 22 тамыздағы № 394 бұйрығы
ҚР Экология, геология және табиғи ресурстар министрінің м.а. 2021 жылғы 9 тамыздағы № 319 бұйрығымен күші жойылды
«Құқықтық актілер туралы» 2016 жылғы 6 сәуірдегі Қазақстан Республикасы Заңының 50-бабының 2-тармағына сәйкес БҰЙЫРАМЫН:
1. «Қоршаған ортаға эмиссияларға рұқсат беру үшін құжаттардың нысандарын және оларды толтыру қағидаларын бекіту туралы» Қазақстан Республикасы Энергетика министрінің 2015 жылғы 20 ақпандағы № 115 бұйрығына (Нормативтік құқықтық актілерді мемлекеттік тіркеу тізілімінде № 10903 болып тіркелген, 2015 жылы 4 маусымда «Егемен Қазақстан» газетінде № 103(25581) жарияланған) мынадай өзгерістер енгізілсін:
көрсетілген бұйрықпен бекітілген, І, II және III санаттағы объектілер үшін қоршаған ортаға эмиссияларға рұқсат бланкісінің нысанында:
7-тармақ мынадай редакцияда жазылсын:
«7. I, II және III санаттағы объектілерге арналған осы Рұқсаттың қолданылу кезеңіне Қазақстан Республикасы Энергетика министрінің 2016 жылғы 17 маусымдағы «Қоршаған ортаны қорғау жөніндегі іс-шаралар жоспарының және осы жоспардың орындалуы туралы есеп нысандарын бекіту туралы» № 252 бұйрығына (Нормативтік құқықтық актілерді мемлекеттік тіркеу тізілімінде № 13984 болып тіркелген) сәйкес бекітілген нысан бойынша келісілген қоршаған ортаны қорғау жөніндегі іс-шаралар жоспарын, сондай-ақ мемлекеттік экологиялық сараптаманың оң қорытындысымен қарастырылған жобалау құжаттамасымен белгіленген қоршаған ортаға эмиссияларды төмендету іс-шараларын орындау.
I, II және III санаттағы объектілерге арналған Рұқсаттың қолданылу мерзімі _____ жылдан жылға _____ дейін.»;
ескертпе мынадай редакцияда жазылсын:
