«I және II санаттағы объектілерді өндірістік экологиялық бақылау, ішкі есепке алуды жүргізу, өндірістік экологиялық бақылау нәтижелері бойынша мерзімді есептерді жасау және ұсыну бағдарламасын әзірлеу қағидаларын бекіту туралы» Қазақстан Республикасы Экология, геология және табиғи ресурстар министрлігінің 2021 жылғы 14 шілдедегі № 250 бұйрығына өзгерістер енгізу туралы
Қазақстан Республикасы Экология және табиғи ресурстар министрінің м.а. 2025 жылғы 6 наурыздағы № 55 бұйрығы
БҰЙЫРАМЫН:
1. «І және II санаттардағы объектілерді өндірістік экологиялық бақылау, ішкі есепке алуды жүргізу, өндірістік экологиялық бақылау нәтижелері бойынша мерзімді есептерді жасау және ұсыну бағдарламасын әзірлеу қағидаларын бекіту туралы» Қазақстан Республикасы Экология, геология және табиғи ресурстар министрінің 2021 жылғы 14 шілдедегі № 250 бұйрығына (Нормативтік құқықтық актілерді мемлекеттік тіркеу тізілімінде № 23553 болып тіркелген) мынадай өзгерістер енгізілсін:
көрсетілген бұйрықпен бекітілген І және ІІ санаттағы объектілерді өндірістік экологиялық бақылау бағдарламасын әзірлеу, ішкі есепке алуды жүргізу, өндірістік экологиялық бақылау нәтижелері бойынша мерзімді есептерді қалыптастыру және ұсыну қағидаларында (бұдан әрі - Қағидалар):
осы Қағидаларға 1-қосымшада:
8-тармақтың 11) тармақшасы екінші абзацының орыс тіліндегі мәтіні мынадай редакцияда жазылсын, қазақ тіліндегі мәтіні өзгермейді:
«11) Биоәртүрліліктің мониторингі оларды жою қаупін және өсімін молайту мүмкін еместігін болдырмау мақсатында бүкіл келісімшарттық аумақ бойынша жүргізіледі. I және II санаттағы объектілердің қоршаған ортаға әсерін бағалау шеңберінде жүргізілген табиғи ареалдардың жай-күйі және биологиялық әртүрлілікті (жануарлар мен өсімдіктер әлемі) сәйкестендіру туралы ақпарат;»;
17- тармақ мынадай редакцияда жазылсын:
