Осы редакция 2016 жылғы 28 қаңтарда енгізілген өзгерістеріне дейін қолданылды
Қазақстан Республикасы
Энергетика министрінің
2015 жылғы 23 ақпандағы
№ 132 бұйрығына
6-қосымша
«Тау-кен (пайдалы қазбаларды барлау, өндіру), мұнай-химия өндірістерін жобалауға
(технологиялық) және (немесе) пайдалануға, мұнай және газ саласындағы
магистральдық газ құбырларын, мұнай құбырларын, мұнай өнiмдерi
құбырларын пайдалануға лицензия беру»
мемлекеттік көрсетілетін қызмет стандарты
(2015.10.11. берілген өзгерістермен)
1. Жалпы ережелер
1. «Тау-кен (пайдалы қазбаларды барлау, өндіру), мұнай-химия өндірістерін жобалауға (технологиялық) және (немесе) пайдалануға, мұнай және газ саласындағы магистральдық газ құбырларын, мұнай құбырларын, мұнай өнiмдерi құбырларын пайдалануға лицензия беру» мемлекеттік көрсетілетін қызметі (бұдан әрі - мемлекеттік көрсетілетін қызмет).
2. Мемлекеттік көрсетілетін қызмет стандартын Қазақстан Республикасы Энергетика министрлігі (бұдан әрі - Министрлік) әзірледі.
3. Мемлекеттік қызметті Министрліктің Экологиялық реттеу, бақылау және мұнай-газ кешеніндегі мемлекеттік инспекциялау комитеті (бұдан әрі - қызмет көрсетуші) көрсетеді.
Өтініштерді қабылдау және мемлекеттік қызметті көрсету нәтижесін беру:
Қызмет берушінің кеңсесі
Қазақстан Республикасы Инвестициялар және даму министрлігінің Байланыс, ақпараттандыру және ақпарат комитетінің «Халыққа қызмет көрсету орталығы» республикалық мемлекеттік кәсіпорнының (бұдан әрі - ХҚКО) халыққа қызмет көрсету орталықтары;
«электрондық үкімет» веб-порталы: www.egov.kz, www.elicence.kz (бұдан әрі - портал) арқылы жүзеге асырылады.
2. Мемлекеттік қызметті көрсету тәртібі
4. Мемлекеттік қызметті көрсету мерзімі:
1) құжаттар топтамасын ХҚКО, көрсетілетін қызметті берушіге, сондай-ақ портал арқылы жүгінген кезде тапсырған сәттен бастап:
лицензияны және (немесе) лицензияға қосымшаны беру кезінде - 30 (отыз) жұмыс күні;
лицензияны және (немесе) лицензияға қосымшаны қайта ресімдеу кезінде - 3 (үш) жұмыс күні;
