Қазақстан Республикасы
Қорғаныс министрінің
2020 жылғы 5 қарашадағы
№ 605 бұйрығына 1-қосымша
«Әскерге шақыруды кейінге қалдыру»
мемлекеттік қызметін көрсету қағидалары
(2026.27.01. берілген өзгерістермен)
1-тарау. Жалпы ережелер
ҚР Қорғаныс министрінің 2021.12.08. № 527 бұйрығымен 1-тармақ жаңа редакцияда (бұр.ред.қара)
1. Осы «Әскерге шақыруды кейінге қалдыру» мемлекеттік қызметін көрсету қағидалары (бұдан әрі - Қағидалар) «Мемлекеттік көрсетілетін қызметтер туралы» Қазақстан Республикасының Заңы (бұдан әрі - Заң) 10-бабының 1) тармақшасына сәйкес әзірленді және «Әскерге шақыруды кейінге қалдыру» мемлекеттік қызметін (бұдан әрі - мемлекеттік көрсетілетін қызмет) көрсету тәртібін айқындайды.
ҚР Қорғаныс министрінің 2021.12.08. № 527 бұйрығымен 2-тармақ жаңа редакцияда (бұр.ред.қара)
2. «Әскери қызмет және әскери қызметшілердің мәртебесі туралы» Қазақстан Республикасы Заңының 35-бабына сәйкес әскерге шақыруды кейінге қалдыру әскерге шақыру комиссиясының шешiмiмен беріледі.
ҚР Қорғаныс министрінің 2021.12.08. № 527 бұйрығымен (бұр.ред.қара); 2026.13.01. № 22 бұйрығымен (2026 ж. 27 қаңтардан бастап қолданысқа енгізілді) (бұр.ред.қара) 3-тармақ жаңа редакцияда
3. Мемлекеттік қызметті ауданның, облыстық маңызы бар қаланың, облыстың, Астана, Алматы және Шымкент қалаларының жергілікті атқарушы органдары (бұдан әрі - көрсетілетін қызметті беруші) «Е-лицензиялау» мемлекеттік базасы» ақпараттық жүйесін пайдаланып, әскерге шақыру комиссиясы арқылы көрсетеді.
2-тарау. Мемлекеттік қызмет көрсету тәртібі
