«Мемлекеттік жер қойнауы қорының бірыңғай кадастрын жүргізу қағидаларын және Пайдалы қазбалар қорларын мемлекеттік есепке алу бойынша ақпаратты мемлекеттік органдарға ұсыну қағидаларын бекіту туралы» Қазақстан Республикасы Инвестициялар және даму министрі міндетін атқарушының 2018 жылғы 25 мамырдағы № 393 бұйрығына өзгерістер мен толықтыру енгізу туралы
Қазақстан Республикасы Экология, геология және табиғи ресурстар министрінің 2020 жылғы 22 қыркүйектегі № 229 бұйрығы
БҰЙЫРАМЫН:
1. «Мемлекеттік жер қойнауы қорының бірыңғай кадастрын жүргізу қағидаларын және Пайдалы қазбалар қорларын мемлекеттік есепке алу бойынша ақпаратты мемлекеттік органдарға ұсыну қағидаларын бекіту туралы» Қазақстан Республикасы Инвестициялар және даму министрі міндетін атқарушының 2018 жылғы 25 мамырдағы № 393 (Нормативтік құқықтық актілерді мемлекеттік тіркеу тізілімінде № 17053 болып тіркелген, Қазақстан Республикасы нормативтік құқықтық актілерінің эталондық бақылау банкінде 2018 жылғы 26 маусымда жарияланған) бұйрығына мынадай өзгерістер мен толықтыру енгізілсін:
көрсетілген бұйрықпен бекітілген Мемлекеттік жер қойнауы қорының бірыңғай кадастрын жүргізу қағидаларында:
10-тармақ мынадай редакцияда жазылсын:
«10. Паспорт үш данада жасалады. Паспорттың екі данасы жер қойнауын зерттеу жөніндегі уәкілетті органның аумақтық бөлімшесіне (бұдан әрі - аумақтық бөлімше) жіберіледі, үшінші данасын жер қойнауын пайдаланушы өзінде сақтайды.
Техногендік минералдық түзілімдерді (бұдан әрі - ТМТ) қоймаға жинаған кезінде жер қойнауын пайдаланушы паспортты төрт данада жасайды және өткен күнтізбелік жылғы паспорттың екі данасын аумақтық бөлімшеге, үшінші данасын қоршаған ортаны қорғау саласындағы уәкілетті органға жыл сайын ағымдағы есептік жылдың 30 сәуірінен кешіктірмей ұсынады, төртінші данасын жер қойнауын пайдаланушы өзінде сақтайды.
