«Мемлекеттік, мемлекет кепілдік берген қарыздар алудың, мемлекет кепілгерліктерінің кейбір мәселелері туралы» Қазақстан Республикасы Қаржы министрінің 2025 жылғы 30 маусымдағы № 331 бұйрығына өзгерістер мен толықтырулар енгізу туралы
Қазақстан Республикасы Қаржы министрінің 2026 жылғы 16 шілдедегі № 481 бұйрығы
БҰЙЫРАМЫН:
1. «Мемлекеттік, мемлекет кепілдік берген қарыздар алудың, мемлекет кепілгерліктерінің кейбір мәселелері туралы» Қазақстан Республикасы Қаржы министрінің 2025 жылғы 30 маусымдағы № 331 бұйрығына (Нормативтік құқықтық актілерді мемлекеттік тіркеу тізілімінде № 36364 болып тіркелген) мынадай өзгерістер мен толықтырулар енгізілсін:
көрсетілген бұйрықпен бекітілген Мемлекеттік кепілдіктер беру үшін инвестициялық жобаларды іріктеу қағидаларында:
14 және 15-тармақтар мынадай редакцияда жазылсын:
«14. Қолданыстағы жобаны іске асыру үшін, сондай-ақ мемлекеттік кепілдік берілген бұрын тартылған мемлекеттік емес қарызды толық немесе ішінара өтеу үшін несие капиталының ішкі нарығында мемлекеттік кепілдікпен жаңа мемлекеттік емес қарызды тарту жобаның ТЭН-ін түзету және инвестициялық жобаның жаңа ТЭН-ін әзірлеу үшін негіз болып табылмайды.
Бұрын мемлекеттік кепілдік берілген инвестициялық жобалар бойынша бұрын мемлекеттік кепілдікпен мемлекеттік емес қарыз тартылған инвестициялық жобаның ТЭН негізінде салалық сараптаманың қорытындысы, бюджет саясаты жөніндегі орталық уәкілетті органның, бюджетті атқару жөніндегі орталық уәкілетті органның қорытындылары және Қазақстан Республикасының заңнамасына сәйкес қажетті басқа да сараптамалардың қорытындылары беріледі.
Бұл ретте мемлекеттік кепілдіктермен мемлекеттік емес қарыздардың қаражаты есебінен қаржыландыруға ұсынылатын инвестициялық жобалардың тізбесіне бұрын енгізілген және ол бойынша мемлекеттік кепілдік берілген бұрын тартылған мемлекеттік емес қарызды толық немесе ішінара өтеуді көздейтін инвестициялық жобаны іске асыру үшін мемлекеттік кепілдікпен жаңа мемлекеттік емес қарыз шеңберінде мемлекеттік кепілдік беру бұрын мемлекеттік кепілдік берілген қаржы жылына белгіленген мемлекеттік кепілдіктерді беру лимиті шеңберінде жүзеге асырылады.
