ҚР Индустрия және инфрақұрылымдық даму министрінің м.а. 2023.24.03. № 176 бұйрығымен үлгi нұсқаулықпен толықтырылды (2023 ж. 10 сәуірден бастап қолданысқа енгізілді)
Қазақстан Республикасы
Көлік және коммуникация
министрінің
2011 жылғы 28 наурыздағы
№ 173 бұйрығымен
бекітілген
ҚР Көлік министрінің м.а. 2024.30.12. № 445 бұйрығымен үлгi нұсқаулық жаңа редакцияда (2025 ж. 11 наурыздан бастап қолданысқа енгізілді) (бұр.ред.қара)
Әуе кемелерiнiң ұшуын орындаумен байланысты көрсетілетін қызметтерді ұсыну барысында азаматтық авиацияның қызметтер көрсететiн авиациялық оқу орталықтардың ұшу қауіпсіздігін басқару жөніндегі
үлгi нұсқаулық
(2025.11.03. берілген өзгерістермен)
1-бөлім. Кіріспе
1-тарау. Жалпы ережелер
1. Осы әуе кемелерiнiң ұшуын орындаумен байланысты көрсетілетін қызметтерді ұсыну барысында азаматтық авиацияның қызметтер көрсететiн авиациялық оқу орталықтардың ұшу қауіпсіздігін басқару жөніндегі үлгi нұсқаулық (бұдан әрі - Үлгі нұсқаулық) «Қазақстан Республикасының әуе кеңістігін пайдалану және авиация қызметі туралы» Қазақстан Республикасының Заңына (бұдан әрі - Заң), Халықаралық азаматтық авиация туралы конвенцияға 19-қосымшаға, Қазақстан Республикасы Үкіметінің 2016 жылғы 11 наурыздағы № 136 қаулысымен бекітілген Азаматтық авиация саласындағы ұшу қауіпсіздігі жөніндегі бағдарламаға, ИКАО Doc 9859 «Ұшу қауіпсіздігін басқару жөніндегі нұсқаулық» және ИКАО Doc 9841 «Оқу ұйымдарын бекіту жөніндегі нұсқаулық» сәйкес әзірленді.
Үлгі нұсқаулық қызметі қызмет көрсету барысында әуе кемелерінің ұшуын орындаумен байланысты азаматтық авиацияның авиациялық оқу орталықтары болып табылатын қызмет көрсетуді берушілердің (бұдан әрі - қызмет көрсетуді беруші) ұшу қауіпсіздігін басқару жүйесін (бұдан әрі - ҰҚБЖ) жұмыс істеуін енгізу және қолдау жөніндегі талаптарды нақтылайды.
